ERI сарапшылары ТДМ оқшаулау бойынша

24 ақпанда "Экономикалық зерттеулер институты" АҚ (ERI) ТДМ жөніндегі Хатшылық қызметкерлері Дүниежүзілік үкіметтік емес ұйымдар күніне (27 ақпан) орайластырылған Тұрақты даму мақсаттарын оқшаулау бойынша бірқатар практикалық семинарлар өткізді.

Іс-шаралар Нұр-Сұлтан қаласында екі жерде өтті:

1. Қазақстанның Азаматтық Альянсы базасында " Жаңа Қазақстан жағдайындағы азаматтық сектор мен мемлекеттік органдардың коммуникациялары" атты республикалық семинар-тренинг өтті, онда спикер ретінде ТДМ жөніндегі Хатшылық директоры Бақытгүл Хамбар сөз сөйледі, ол Қазақстанда ТДМ оқшауландыру перспективалары туралы айтты.

Оның баяндамасында ТДМ саласындағы мемлекеттің институционалдық шаралары және ТДМ жергілікті жерлерде оқшауландыру үшін қолданылатын практикалық құралдар туралы ақпарат қамтылған.

Суретте: "Жаңа Қазақстан жағдайындағы азаматтық сектор мен мемлекеттік органдардың коммуникациялары" республикалық семинар-тренингі

 2. "КАМЕДА" қоғамдық қоры базасында (Нұр-Сұлтан қ. Азаматтық бастамалар орталығы) өңірлердің өзекті мәселелерін анықтауға, сондай-ақ тұрақты шешімдерді іздеуге және ТДМ іске асыру бойынша проактивті шараларды әзірлеуге бағытталған семинар және "Миссия 2030" іскерлік ойыны өтті.

Суретте: ERI сарапшысы Алтынгүл Өтебаева "Миссия 2030" ойынын өткізуде 

Іскерлік ойын өткізудің алдыңғы тәжірибесі көрсеткендей, "Миссия 2030" Тұрақты даму мақсаттарын оқшаулау процесінде тиімді құрал болып табылады.

Іскерлік ойынның қорытындысы бойынша ТДМ оқшаулау бойынша тренинг нәтижелері егжей-тегжейлі талқыланды.

Ойын нәтижелері Қазақстанда ТДМ іске асырудың одан әрі кезеңін өткізу кезінде ескерілетін болады және "Тұрақты даму мақсаттары қазақстандықтардың көзімен" тұрақты даму саласындағы Қазақстанның екінші Ерікті ұлттық шолуы (ЕҰШ) бөлімінде ұсынылатын болады.