Қостанай облысының сыртқы саудасы

ERI сарапшысының Қостанай облысының сыртқы саудасын талдауы

Облыстың сыртқы сауда айналымы: $4,3 млрд (2021 жылы) – бұл 2020 жылға қарағанда 29,3% - ға жоғары ($3,3 млрд).

Экспорт: $2,2 млрд (тауар айналымында 52%) - 2020 жылға қарағанда 32% - ға жоғары ($1,7 млрд). Тауарлар экспорты бойынша Қостанай өңірі  Ақтөбе облысынан кейін топ-10 өңірдің соңында орналасқан және одан кейінгі Түркістан облысынан үш есе озып отыр.

Экспорт құрылымы: 83% — шикізат, 12% — жартылай дайын өнімдер, 5% - дайын тауарлар.

Экспорттық тауарлар: темір кені (68,9%), ұн (9,7%), бидай (6,6%), асбест (3,2%), жеңіл автомобильдер (2,5%) және жүк автомобильдері (1,1%). Сондай-ақ, облыстан болат шыбықтар, қара металл сынықтары, алюминий тотығы, зығыр және күнбағыс тұқымдары, бұршақ тұқымдас көкөністер, арпа, жүгері экспортталады. Экспорты $100 мыңнан асатын позициялар саны-105.

Қостанай облысының тауарлары қайда жіберіледі: Ресей (57,1%), Қытай (19,6%), Өзбекстан (8,6%), Ауғанстан (7,2%) және Түркіменстан (1,8%). Қостанай облысының ресми экспорты $100 мыңнан асатын елдер саны-28.

Импорт: $2,0 млрд (облыстың тауар айналымындағы 48%) – 2020 жылға қарағанда 26,5% - ға жоғары ($1,6 млрд). Тауарлар импорты бойынша Қостанай облысы ҚР өңірлері арасында 6-шы орында (Қарағанды облысынан төмен, Атырау облысынан және Шымкент қаласынан жоғары).

Импорт құрылымы: 65% — дайын тауарлар, 28% — жартылай дайын өнімдер, 7% - шикізат.

2021 жылы импортталатын тауарлар: автомобильдер (21,2%), қара металдар (12,0%), автомобиль шанақтары (10,7%), ауыл шаруашылығы мақсатындағы машиналар (5,9%), автомобильдердің бөліктері мен керек-жарақтары (4,3%), консервіленген жемістер мен көкөністер (3,7%). Импорты $100 мыңнан асатын тауарлар саны – 871.

Импорт қайдан келеді: Ресей (51,5%), Өзбекстан (16,7%), Қытай (9,4%), Беларусь (4,7%) және Оңтүстік Корея (3,6%). Облыс $100 мыңнан астам тауар сатып алатын серіктес елдердің саны-60.

Қызықты факт:
Қостанай облысы темір кенін (ҚР барлық жеткізілімдерінің 94%) және ұн тарту өнеркәсібі өнімін (42%) экспорттау бойынша көшбасшы болып табылады. 2020 жылы облыс автомобильдерді сыртқы сату бойынша көшбасшы болды, алайда 2021 жылы Алматы қаласы бірінші орынға шықты.