2016-2019 жылдары Қазақстан экономикасы әлемдік экономика қарқынынан едәуір озып, өз үлесін арттырды, деп хабарлайды Экономикалық зерттеулер институты Басқарма төрағасының кеңесшісі Перизат Омарова.
2019 жылы Қазақстанның ЖІӨ өсімі 4,5% – ды, дамыған елдер – 1,7% - ды, дамушы елдер-3,7% - ды құрады.
Инфрақұрылымдық жобаларды іске асырудың, ішкі сұраныстың кеңеюінің және қолайлы сыртқы жағдайлардың арқасында 2016-2019 жылдары ЖІӨ-нің белсенді өсуі байқалды.
Сарапшының айтуынша, мұндай жоғары өсу қарқыны Ұлттық қор қаражатын, оның ішінде 2016-2019 жылдарға арналған «Нұрлы Жол» мемлекеттік бағдарламасын қаржыландыру үшін бөлінген қаражатты игеру есебінен қамтамасыз етілді.
«Нұрлы Жол» мемлекеттік бағдарламасын жүзеге асыру ЖІӨ-нің 0,7-1,4 п. к. мөлшерінде қосымша өсуін қамтамасыз еткенін атап кеткен жөн.
