25 сәуірде ЭЫДҰ өкілдері мен "Экономикалық зерттеулер институты" АҚ (ERI) сарапшыларының "Қазақстанда бизнесті цифрлық трансформациялау үшін базалық жағдайларды жақсарту" тақырыбындағы жұмыс кездесуі өтті.
Бұл іс-шара ҚР Үкіметімен ынтымақтастықта Еуропалық Одақтың қаржылық қолдауымен өткізілетін Қазақстандағы бизнесті цифрлық дамытудың базалық шарттары саласындағы тепе-теңдік бағалаудың жұмыс отырыстарының сериясындағы бірінші болды.
Вебинарда ЭЫДҰ мамандары тепе-тең бағалау жүргізудің әдіснамасын, мақсаттары мен рәсімін ұсынды. Вебинардың негізгі бөлігі бағалауға кіретін басым мәселелердің анықталуын талқылауға арналды.
Институт сарапшылары Қазақстандағы ақпараттық-коммуникациялық технологиялар (бұдан әрі — АКТ) инфрақұрылымының дамуының ағымдағы жағдайы туралы ақпаратпен бөлісті:
- Цифрландыру секторындағы шағын және орта бизнестің нақты жай-күйі туралы анық статистикалық деректерге қолжетімділіктің шектеулілігі. Мысалы, жұмыс істеп тұрған 330 мың кәсіпорынның тек 56% - ы (187 мың) АКТ-ның жай-күйі мен болуы туралы статистикалық есептілікті тапсырады, бұл ШОБ цифрландыруды дамытудың жай-күйін толық анықтауға мүмкіндік бермейді.
- Бизнесті цифрлық трансформациялау бойынша мемлекет тарапынан ынталандырудың болмауы.
Вебинар соңында ЭЫДҰ және ERI сарапшылары "Қазақстандағы бизнесті цифрлық трансформациялау үшін базалық жағдайларды жақсарту" жобасын іске асыру бойынша бірлескен жұмысты жалғастыру туралы келісті.
