ERI сарапшыларының қатысуымен
29.06.2022
28 маусымда "Экономикалық зерттеулер институты" АҚ(ERI) Тұрақты даму мақсаттары жөніндегі Хатшылықтың сарапшылары Тұрақты тұтыну және өндіру жөніндегі ұлттық іс-қимыл жоспарының (бұдан әрі - ТТӨ жоспары) жобасын талқылау жөніндегі отырысқа қатысты. ТТӨ жоспары барлық елдердің қатысуымен тұтыну мен өндірістің ұтымды модельдерін пайдалануға көшу жөніндегі Он жылдық іс-қимыл стратегиясын жүзеге асыру бойынша 12.1 ТДМ міндетін шешу болып табылады. Жоспардың жобасын SWITCH-Asia сарапшылары ЕО қаржыландыратын су ресурстары, қоршаған орта және климаттың өзгеруі (WECOOP) саласындағы жобаның қолдауымен әзірледі.
Талқылауға орталық мемлекеттік органдардың, Стратегиялық жоспарлау және реформалар агенттігі Ұлттық статистика бюросының өкілдері, Еуропалық Одақтың, "Жасыл даму" АҚ сарапшылары және басқалар қатысты.
Тұрақты тұтыну және өндіріс ұғымы әртүрлі жолдармен дамыды және анықталды. ТТӨ термині алғаш рет 1992 жылы БҰҰ-ның Рио-де-Жанейродағы конференциясында енгізілген. Қазақстан экологиялық саясаттың негізгі қағидаты ретінде қабылданған 2021 жылғы жаңа Экологиялық кодекске ТТӨ модельдерін енгізді. Отырысты ашқан SWITCH-Asia Орталық Азия бойынша бас сарапшысы Зульфира Зикрина Қазақстанда ТТӨ жоспарын әзірлеу мен енгізудің маңыздылығын атап өтті. Экология, геология және табиғи ресурстар министрлігінің Экологиялық саясат және тұрақты даму департаментінің директоры Ақзан Ширанов сәлемдесу сөзімен сөйледі. Өз сөзінде ол бүгінгі таңда Қазақстан үшін өзекті экологиялық мәселелердің бірі — қалдықтарды кәдеге жарату және қайта өңдеу екенін атап өтті. Бұл бағытта ауқымды жұмыстар жүргізілуде, өндіріс пен тұтынудың ұтымды модельдеріне көшу үшін қалдықтарды басқару жүйесін жаңғырту жүріп жатыр. 12 ТДМ - "Жер" ведомствоаралық жұмыс тобының тұрақты даму мақсаттарының бірі.
SWITCH-Asia сарапшысы Рассел Фрост ТТӨ-ның үш негізгі аспектісін атап өтті: ресурстарды пайдалану тиімділігі, қауіпсіз шикізат пен материалдарды алмастыру, циркулярлылық. Сонымен қатар, ол "жасыл" экономиканы ілгерілетудегі ТТӨ рөлі және ТТӨ құралдары туралы айтып берді.
Келесі таныстырылымда Расселл Фрост 2022-2030 жылдарға арналған нақты іс-шаралармен тұрақты тұтыну және өндіріс жөніндегі іс-шаралар жоспарының жобасын ұсынды.
SWITCH-Asia сарапшысы Ербол Оразбеков биологиялық ыдырайтын қалдықтарға, оның ішінде тағамдық қалдықтарға баса назар аудара отырып, тұрмыстық қатты қалдықтарды басқару инфрақұрылымын құру қажеттілігі туралы сөз сөйледі. Сондай-ақ, ол заңнама бөлігіндегі ағымдағы жағдай, осы саладағы нормативтер туралы айтып, биологиялық ыдырайтын қалдықтар саласындағы проблемаларды белгіледі. Қорытындылай келе, ТТӨ жоспарының жобасы бойынша пікірлер талқыланып, алынды. Пікірталас қорытындысы бойынша іс-шараға қатысушылар өз ескертпелері мен ұсыныстарын жұмыс тәртібінде SWITCH-Asia сарапшыларына жіберуге келісті. ТТӨ бойынша ұсынылған іс-қимыл жоспарының жобасы елдің тұрақты дамуын және жасыл өсуді жеделдетеді, Қазақстанға төмен көміртекті, ресурс тиімді және неғұрлым циркулярлық экономикаға көшу жөніндегі басым міндеттерді қоюға көмектеседі. Анықтамалық: SWITCH-Азия бағдарламасы ЕО-ның Оңтүстік-Шығыс Азия, Оңтүстік Азия, Орталық Азия, Моңғолия және Қытайдағы қолдау көрсететін ірі ТТӨ бағдарламасы болып табылады. 2007 жылы іске қосылған бағдарламаның миссиясы-Азиядағы өндіріс пен тұтынудың тұрақты модельдерін және Азия мен Еуропа арасындағы экологиялық таза жеткізілім тізбегін ілгерілете отырып, Азия елдерінің төмен көміртекті, ресурс тиімді тұйық циклді экономикаға көшуін қолдау. Азия мен Орталық Азияда тұрақты тұтыну мен өндірісті ілгерілетуге шамамен 300 млн еуро инвестицияланды. 15 жыл ішінде өңірде 143 жоба қаржыландырылды. ТТӨ өнімдердің өмірлік циклі бойында экологиялық сипаттамаларын жақсартуға бағытталған, сапалы өнімдер мен өндіріс технологияларына сұранысты ынталандырады және тұтынушыларға саналы таңдау жасауға көмектеседі.
Қарау саны: 4006 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
