ШЫҰ Экономикалық талдау орталықтарының консорциумы-ШЫҰ шеңберінде экономикалық өзара іс-қимылдың басым бағыттары бойынша талдау жүргізуге және ұсынымдар әзірлеуге арналған консультациялық-сараптамалық алаң (ШЫҰ-ға мүше мемлекеттердің Үкімет басшылары кеңесінің 2019 жылғы 2 қарашадағы ШЫҰ Экономикалық талдау орталықтары консорциумының регламентін бекіту туралы №120 шешімімен құрылған).

Консорциумға Қазақстан Республикасы Ұлттық экономика министрлігі жанындағы "Экономикалық зерттеулер институты" АҚ-дан (ERI) басқа Өңірлік сауда орталығы (Үндістан), Қырғыз Республикасы Экономика және қаржы министрлігі жанындағы Экономикалық саясатты зерттеу институты, Қытай Халық Республикасы Коммерция министрлігінің Халықаралық сауда және экономикалық ынтымақтастық институты, Пәкістан сауда және даму институты (PITAD), Ресей Федерациясы Экономикалық даму министрлігінің Бүкілресейлік сыртқы сауда академиясы (БССА), Тәжікстан Республикасы Ұлттық Ғылым академиясының Экономика және демография институты және Өзбекстан Республикасы Президентінің Әкімшілігі жанындағы Стратегиялық зерттеулер институты қатысады.

2021 жылы Консорциумның қызметі ERI төрағалығымен өтті. Тараптар экономиканы қалпына келтіру үшін COVID-19-ға қарсы күрес шеңберінде ШЫҰ-ға мүше елдер қабылдап жатқан шараларды бірлесіп талқылады. Өзара сауда-экономикалық байланыстарды күшейтуге (сауданы ырықтандыру, өткізу нарықтарын кеңейту, өзара инвестицияларды кеңейту); электрондық сауданы дамытуға және климатты сақтауға бірлесіп назар аударылды.

Ағымдағы жылы Қытай тарапы төрағалық етеді. "COVID-19 пандемиясынан кейін экономикалық дамудың жаһандық және өңірлік макроүрдістерін талдау" бірлескен зерттеуі жүргізілді. Қорытынды талқылау 2022 жылғы 22 қыркүйекте Самарқандта (Өзбекстан) ШЫҰ Саммиті аясында жоспарланған. Қатысушылар кедейлік пен цифрлық теңсіздіктің таралу қаупі туралы ойларымен бөліседі.

COVID-19 пандемиясынан кейін экономиканы дамытудың жаһандық және өңірлік макроүрдістерін бірлесіп талдау қорытындылары бойынша Тараптар мынадай тұжырымдарды бөліп көрсетеді: 

- тең құқықты көпжақты халықаралық экономикалық тәртіпке қарсы санкциялық қысымның күшеюі;

- бұрын қалыптасқан өндірістік кооперация мен жеткізу тізбектерінің бұзылуы;

- ұлттық валюталарда өзара есеп айырысудың қажеттілігін арттыру;

- азық-түлік және энергетикалық қауіпсіздік тәуекелдерінің өсуі;

- әртүрлі елдердің цифрлық дамуының теңгерімсіздігі;

- халық кедейлігінің өсу тәуекелінің артуы.

2022 жылғы қарашада ШЫҰ-ға мүше мемлекеттердің Үкімет басшылары кеңесінің отырысы аяқталғаннан кейін ШЫҰ Консорциумындағы төрағалық қырғыз тарапына өтеді.