Қазақстан 2022 жылғы Мемлекеттік басқару сапасы индикаторларының 2 көрсеткіші бойынша нәтижелерді жақсартты 

2021 жылғы деректер бойынша Мемлекеттік басқару сапасының индикаторлары — 2022 (the Worldwide Governance Indicators, WGI) бойынша нәтижелер жарияланды. Дүниежүзілік Банктің осы зерттеуінде 200-ден астам ел бағаланды.

Анықтамалық:

Worldwide Governance Indicators (WGI) алты біріктірілген көрсеткіш негізінде қалыптасады:

1.  Халықтың пікірін ескеру және есеп беру (халықтың үкіметті таңдауға қатысу дәрежесін, пікір білдіру еркіндігінің деңгейін көрсетеді)

2.  Саяси тұрақтылық және зорлық-зомбылықтың болмауы (Үкіметтің тұрақсыздану ықтималдығының дәрежесін конституциялық емес әдістермен өлшейді)

3.  Үкімет жұмысының тиімділігі (мемлекеттік қызмет сапасын, мемлекеттік қызмет жұмысының сапасын бағалайды)

4.  Заңнаманың сапасы (Үкіметтің негізделген саясат пен НҚА әзірлеу және енгізу қабілетін бағалайды)

5.  Құқық үстемдігі (әртүрлі субъектілердің қоғамдағы қолданыстағы нормаларға деген сенім дәрежесін және олардың осы нормаларды сақтауға дайындығын бағалайды)

6.  Сыбайлас жемқорлықты тежеу (мемлекеттік билікті пайдакүнемдік мақсатта пайдалану практикасының таралуын бағалайды)

WGI - де елдер әрбір біріктірілген көрсеткіш бойынша пайыздық дәреже бойынша (0 - ден 100-ге дейін-ең жоғары) сараланады.

- Халықтың пікірін есепке алу және мемлекеттік органдардың есептілігі – 18,84 процентиль (2,9 процентильге жақсару)

- Саяси тұрақтылық және зорлық-зомбылықтың болмауы - 37,74 процентиль (0,94 процентильге нашарлау)

- Мемлекеттік басқару тиімділігі-57,21 процентиль (0,96 процентильге нашарлау)

- Заңнама сапасы -56,25 процентиль (1,44 процентильге нашарлау)

- Заң үстемдігі - 34,13 процентиль (2,41 процентильге нашарлау)

- Сыбайлас жемқорлықты бақылау-48,08 процентиль (5,77 процентильге жақсару).

Соңғы бірнеше жылдағы WGI бағалауларының нәтижелері жыл сайынғы оң серпінге қарамастан, халықтың пікірін ескеру және мемлекеттік органдардың есептілігі мәселесі әлсіз буын болып қалып отырғанын көрсетеді.

Алты біріктірілген көрсеткіштің үшеуі-елдің жалпыұлттық басымдықтарының көрсеткіштері екенін атап кеткен жөн:

- Мемлекеттік басқару тиімділігінің индексі (2021 жылға арналған жоспарлы мәні – 59-62 процентиль)

- Халықтың пікірін есепке алу индексі және мемлекеттік органдардың есептілігі (2021 жылға арналған жоспарлы мәні – 20 процентиль)

- Саяси тұрақтылық және зорлық-зомбылықтың/терроризмнің болмауы индексі (2021 жылға арналған жоспарлы мәні – 47 процентиль).

2021 жылдың қорытындысы бойынша бұл көрсеткіштердің жоспарлы мәндеріне қол жеткізілген жоқ, деп атап өтті "Экономикалық зерттеулер институты" АҚ (ERI) сарапшысы Айдана Терлікбаева.

"Сонымен қатар, ағымдағы WGI рейтингін қалыптастыру кезінде өткен жылдардың мәндері қайта есептелді және енді стратегиялық көрсеткіштер картасының базалық мәндеріне сәйкес келмейді", — деп қосты сарапшы.

Қазақстанның Мемлекеттік басқару сапасының индикаторлары бойынша  нәтижелері

Дереккөзі: https://info.worldbank.org/governance/wgi/