ERI "DIW Econ" неміс институтымен өзара ынтымақтастық туралы келісімге қол қойды
11.10.2022
ERI "DIW Econ" неміс институтымен өзара ынтымақтастық туралы келісімге қол қойды Қазақстанның Экономикалық зерттеулер институтының (ERI) сарапшылары өткен аптада Берлинде (Германия) іскерлік сапармен болып, Германияның "DIW ECON" Экономикалық зерттеулер институтымен өзара ынтымақтастық туралы келісімге қол қойды. ERI делегациясын Бас ғылыми қызметкер, экономика ғылымдарының докторы, профессор Сара Алпысбаева, ESG орталығының директоры Айдын Бакдолотов және Макроэкономикалық зерттеулер және болжау орталығының директоры Ерділда Таутенов басқарды. "DIW ECON"-ды доктор Ларс Хандрик таныстырды. Бұл кездесу
Қазақстанның Ғылым және жоғары білім министрлігінің гранты шеңберінде 2020-2022
жылдары бірқатар келіссөздерден және ERI
сарапшылар тобы жүзеге асырған ғылыми жобадан кейін мүмкін болды.
ЖОБАНЫҢ МАҚСАТЫ – жаһандық сұраныстың өзгеруіне және
экономиканың дамудың төмен көміртекті түріне көшуіне бейімделу жағдайында
Қазақстанның орта-ұзақ мерзімді экономикалық өсуінің контрциклді
макроэкономикалық саясатына көшудің басымдықтарын әзірлеу. Осылайша, әдіснамалық тәсілдерді, экономикалық–математикалық
құралдарды және әлеуетті ЖІӨ-ні модельдеудің және өнімнің алшақтығын бағалаудың
халықаралық тәжірибесін, оларды контрциклді макроэкономикалық саясатты әзірлеу
үшін қолдануды зерттеу жүргізілді. Табиғи ресурстарды өндіру перспективаларын бағалаудың демографиялық болжамы және жиынтық факторлық өнімділік, негізгі капиталдың өсу қарқыны мен қайтарымы туралы болжамдар негізінде Қазақстанның әлеуетті ЖІӨ өсу траекториясының базалық нұсқасы модельденді. Негізгі тәсілдердің ішінде сыртқы және ішкі
факторларды дамытудың басқа сценарийлеріне байланысты Қазақстанның ЖІӨ
траекториясының әдіснамалық негізделген нұсқаларын модельдеу: • энергетикалық ресурстар нарықтарындағы құбылмалылық, • жаһандық жеткізу тізбегінің бұзылуы және сауда серіктесі елдердің сұранысының өзгеруі, • Париж келісімі бойынша Қазақстанның міндеттемелері шеңберінде көміртегі шығарындыларын азайту мақсатында өнеркәсіптің негізгі салаларын өндіру технологияларын қайта құру. Бюджеттің құрылымдық балансы негізінде "бюджеттік
ережеге" көшу қажеттілігі негізделген. ERI Бас ғылыми қызметкері Сара Алпысбаева Германияның DIW ECON Экономикалық зерттеулер институтына жаһандық энергетикалық ауысу жағдайында макроэкономикалық модельдеу саласындағы қазақстандық зерттеушілердің сараптамалық деңгейін арттыруға қосқан қолдауы мен баға жетпес үлесі үшін терең алғысын білдірді.
Одан әрі
ғылыми ынтымақтастық туралы Келісім жасалғаннан кейін Алпысбаева ханым
әріптестерін әлеуметтік-экономикалық тәуекелдерді зерттеу және Қазақстан
Республикасының көмір өндіретін өңірлерінің төмен көміртекті дамуға көшуінің
оңтайлы траекториясын таңдау мәселелері бойынша гранттық жобалардағы
халықаралық ынтымақтастыққа шақырды.
Қарау саны: 3687 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
