Жетісу облысының экономикалық даму әлеуеті зор
21.10.2022
Жетісу облысының экономикалық даму әлеуеті зор Бүгінде Жетісу облысы ауыл шаруашылығы өнімдерін, қантты, электр аккумуляторларын және туристік қызметтерді ірі жеткізуші болып табылады.
Облыс елдің оңтүстік-шығысында орналасқан, қазіргі шекараларында 2022 жылы құрылған. Бүгінде облыс ауыл шаруашылығы өнімдерінің, қанттың, электр аккумуляторларының және туристік қызметтердің ірі жеткізушісі болып табылады. Өңір қолайлы географиялық орналасуға ие, бұл оған үлкен көліктік-логистикалық әлеуетті қамтамасыз етеді. Облыс аумағы бойынша "Батыс Еуропа-Батыс Қытай" халықаралық автомобиль дәлізі өтеді. Облыс Қытай Халық Республикасымен, Абай облысымен және Қарағанды облысымен шектеседі. Өңірде Қазақстандағы ең ірі халықаралық "Қорғас" шекара маңы ынтымақтастық орталығы орналасқан. Облыс аумағы - 118 мың шаршы км. Әкімшілік-аумақтық құрылымға 8 аудан және облыстық бағыныстағы 2 қала кіреді. Әкімшілік орталығы-Талдықорған қаласы.
Облыс халқы-698,9 мың адам (2022 жылғы 1 қыркүйектегі жағдай бойынша). Урбандалу деңгейі-44,4%. Облыс экономикасы аграрлық-индустриялық. 2022 жылдың бірінші жартыжылдығының қорытындысы бойынша жергілікті экономиканы қалыптастыруға өнеркәсіп (15,8%), ауыл шаруашылығы (11,3%), көлік және қоймалау (9,9%), сауда (8,1%) және құрылыс саласы (7,0%) ең көп үлес қосады. Жан басына шаққандағы ЖӨӨ 2022 жылдың 1 жартыжылдығында — 730,3 мың теңге немесе $1 650,4 . Бұл көрсеткіш бойынша облыс еліміздің 20 өңірі арасында 19-шы орында. 2021 жылы өңірде 401,4 млрд теңгеге ауыл шаруашылығы өнімі өндірілді. Өнеркәсіп өндірісінің басым бөлігі (өндірілетін өнімнің 55%) Талдықорған және Текелі қалаларында шоғырланған. Облыстың өнеркәсіптік кәсіпорындарында 2021 жылы 245 млрд теңгеге өнім өндірілді (ҚР-да 20-орын), бұл индустрияландырудың төмен деңгейін көрсетеді. Негізгі өнеркәсіптік кәсіпорындар-"Қайнар-АҚБ" ЖШС, "Текелі кенді қайта өндеу кешені" ЖШС, "Көксу қант зауыты" ЖШС, "Ақсуқант" ЖШС. Облыс халқының 65% - ға жуығы қызмет көрсету саласында жұмыс істейді. Ауыл шаруашылығында жұмыспен қамтылған халықтың 23%, өнеркәсіпте – 12% жұмыс істейді. Өзін-өзі жұмыспен қамтыған халықтың үлесі жоғары, ол 29,7% (93 мың адам) құрайды.
Облыстың экономикалық дамудың үлкен әлеуеті бар. Оны іске асыру үшін АӨК, өнеркәсіп және туристік саладағы өндірістік инфрақұрылымды дамытуға ауқымды инвестициялар қажет.
Қарау саны: 4889 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
