"Қазақстанда декарбонизация бойынша корпоративтік стратегияларды іске асыру" практикалық конференциясы

20 қазанда Society of Petroleum engineers Астанада "Қазақстанда декарбонизациялау бойынша корпоративтік стратегияларды іске асыру" тақырыбында конференция өткізді.

Конференцияға мұнай-газ компанияларының, салалық қауымдастықтар мен қаржы ұйымдарының өкілдері қатысты. Іс-шараның модераторы "Экономикалық зерттеулер институты" АҚ (ERI) Басқарма төрағасы Руслан Сұлтанов болды.

Стратегияның негізгі бағыттары мен тәсілдері туралы ERI Басқарма төрағасының орынбасары Қуаныш Бейсенғазин айтып берді.

Стратегияны әзірлеу/пысықтау процесіне мемлекет, бизнес және халықаралық ұйымдар, атап айтқанда мемлекеттік органдар мен ұйымдар (Энергетика министрлігі, Экология, геология және табиғи ресурстар министрлігі, Индустрия және инфрақұрылымдық даму министрлігі, Сауда және интеграция министрлігі, Стратегиялық жоспарлау және даму агенттігі, АХҚО, "Самұрық-Қазына" АҚ, "Бәйтерек" ҰБХ" АҚ және т. б.), бизнес қоғамдастық (Атамекен ҰКП, ERG, ArcelorMittal және т. б.), қауымдастықтар (KAZENERGY, АММК, AREK, ECOJER және т. б.), халықаралық ұйымдар (Дүниежүзілік банк, Азия Даму Банкі, БҰҰДБ, GIZ, ЭЫДҰ, ЕҚДБ, ЕАДБ және т.б.), шет елдердің елшіліктері (Ұлыбритания, Нидерланды, Бельгия, Люксембург), сондай-ақ қазақстандық сарапшылардың, қазақстандық ғылыми қоғамдастықтың кең ауқымы тұлғасында барлық мүдделі тараптар тартылды.

Барлық мүдделі стейкхолдерлерден, оның ішінде мұнай-газ секторы компанияларынан да батыл іс-қимыл талап етіледі. Мақсатқа жетудің сәттілігі біздің бірлескен және жемісті жұмысымызға тікелей байланысты. 

Қазір көптеген ірі ойыншылар өз компанияларын декарбонизациялау туралы көзқарасты әзірледі немесе дамытуда, бұл терең декарбонизация жолында нұсқаулық болады және одан әрі өршіл әрекеттердің негізін қалады. 

Мысалы, Қарашығанақ Петролиум Оперейтинг 2021 жылғы қыркүйекте Қарашығанақ кен орнын 2037 жылға қарай декарбонизациялау бөлігінде пайымдауды тұжырымдады (2037 жылға дейін 1 және 2-қамтуда көміртегі бейтараптығына қол жеткізе отырып, көмірсутектер мен энергияның әлемдегі ең ірі, тиімді және тұрақты өндірушісі болу).

2023 жылдың соңына қарай парниктік газдар шығарындыларын азайтудың барлық аралық кезеңдерін анықтай отырып, көміртегі бейтараптығына қол жеткізудің нақты стратегиясы әзірленетін болады.

Қарашығанақ Петролиум Оперейтинг Бас директорының орынбасары, өндіріс жөніндегі директор Адам Лоймасс компанияны декарбонизациялаудың пайымы мен негізгі тәсілдері туралы айтып берді.

Тағы бір маңызды ойыншы — "ҚазМұнайГаз" ұлттық компаниясы" АҚ, оның парниктік газдар шығарындылары 2019 жылы елдік газдардың 2% -ын құрады.

Рамазан Жанпиисов ҚазМұнайГаз Компанияның 2022-2031 жылдарға арналған төмен көміртекті даму бағдарламасын әзірлегенін айтты. Нысаналы көрсеткіш - парниктік газдар шығарындыларын 2019 жылғы деңгейден 2031 жылға дейін 15% - ға төмендету.

Shell Kazakhstan кен орындарын игеру жөніндегі басқарушы Иво Верштален "Shell" концерні бірнеше жылдан бері "болашаққа жаңа көзқарас" деп аталатын сценарийлерді әзірлеп келе жатқанын атап өтті, олар 2060 жылға қарай әлемдегі энергияның 40% - на дейін ЖЭК-тен алынуы мүмкін планетаның ықтимал болашағын сипаттайды.

Анықтамалық:

Shell Kazakhstan компаниясы өндірісінің жартысынан астамы табиғи газға тиесілі, Еуропа мен Америкада ЖЭК-тің 9 жобасы іске асырылуда. 

Shell көмірсутектерді пайдаланудың қолайсыз экологиялық әсерін азайту мақсатында бірнеше CO2 ұстау және сақтау жобаларына белсенді қатысады. Shell мәліметтері бойынша, көмірмен жұмыс істейтін зауыттарды табиғи газбен жұмыс істейтін және көмірқышқыл газын ұстау және сақтау технологиясымен (CCS) жабдықталған электр станцияларына ауыстыру атмосфераға СО2 шығарындыларын шамамен 90% төмендетуі мүмкін.