Өңірлік кәсіпкерлік
08.09.2023
Қазақстан Республикасының өңірлеріндегі кәсіпкерлік деңгейі туралы жарияланымдарды жалғастыра отырып, бүгін біз бизнесті тарту орталығы, еліміздің қаржы астанасы - Алматы қаласы туралы айтатын боламыз. Қаржы астанасы шағын және орта кәсіпкерліктің тіркелген және белсенді субъектілері бойынша үлкен маржамен көш бастап тұр. Осылайша, 2023 жылғы 1 тамыздағы жағдай бойынша қалада 387 мыңға жуық ШОК субъектісі тіркелген, оның ішінде 86%-тен астамы жұмыс істейді, сонда барлығы 870 мыңнан астам адам жұмысқа орналастырылған. Бұл ретте республиканың барлық бөлігінде қолданыстағы кәсіпкерлердің жалпы үлесі 16,3%-ті құрады. Көрсеткіш біздің мемлекетіміздің барлық өңірлері арасында ең жоғары болып табылады. Қаржы астанасы ЖІӨ-дегі ШОК үлесі бойынша да көш бастап тұр. Осылайша, 2023 жылғы 1 қаңтарда оңтүстік астана бизнесінің үлесі 10,7%-ті құрады. 1 қызметкерге еңбек өнімділігі бойынша қаржы астанасы Атырау облысы мен Астана қаласынан кейін екінші орында. 2023 жылғы бірінші тоқсанның қорытындысы бойынша 1 ШОК-та жұмыспен қамтылған адам 4,4 млн. теңгеге өнім шығарды. Жиынтығында кәсіпкерлік субъектілері осы кезеңде 4 трлн. теңгеге өнім шығарды, оның ішінде орта бизнес 0,7 трлн. теңгеге, шағын бизнес 3,3 трлн. теңгеге өнім шығарды. Алматы бизнесі өнімін шығарудың жалпы үлесі республикалық мәнге қатысты 28,5%-ті құрайды. Салалық бөліністе кәсіпкерлердің көпшілігі көтерме-бөлшек саудамен (117,5 мың бірлік немесе 40,2%), жылжымайтын мүлікпен операциялармен (19,2 мың бірлік немесе 6,6%) және кәсіптік және ғылыми-техникалық қызметпен (16,2 мың бірлік немесе 5,5%) айналысады. Алматы бизнесі үшін мемлекеттік басқару және қорғаныс (55 бірлік), қаржы-сақтандыру қызметі (1 658 бірлік) және ауыл шаруашылығы (3 079 бірлік) салаларына азырақ қызықты. Оларға кәсіпкерлік субъектілерінің тек 1,6%-і ғана келеді. Жалпы, қаржы астанасының нарығы ШОК үшін тартымды, бұл сапалы әрі жайлы бизнес-ортаны құруды жалғастыру қажеттігін көрсетеді. Алматы заңды түрде шағын және орта кәсіпкерлік қаласы деп аталады, бірақ қала экономикасы көбінесе сервистік болып табылады. Өндірістік және өнеркәсіптік қызмет көрсету саласын теңестіру қажет.
Қарау саны: 1038 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
