Институт пен QazInnovation кездесуі: Green Tech технологиялық болжамы және өзара ынтымақтастық
03.10.2023
2023 жылғы 2 қазанда Экономикалық зерттеулер институтында «QazInnovation» инновацияларды дамыту ұлттық агенттігі» акционерлік қоғамының (бұдан әрі – QazInnovation) өкілдерімен кездесу өтті.  Институттың басқарма төрағасы Р.С.Сұлтанов алғы сөзінде қонақтарға институт жұмысының негізгі бағыттары мен әдіснамалық тәсілдері туралы айтты. Qazinnovation экожүйесінің инновациялық саясатын дамыту орталығының директоры М.М.Әбілов GreenTech саласындағы нарықтық әлеуетті және нарық көлемін анықтау үшін әдіснаманы талқылаудың маңыздылығын атап өтті.  Ол сондай-ақ мақсатты технологиялық бағдарлама, GreenTech контекстіндегі технологиялық форсайт, GreenTech жаһандық мегатрендтері, Қазақстанның экологиялық тиімділігі мен жасыл экономикадағы инновациялық белсенділікті талдау туралы ақпарат ұсынды. Кездесуде мақсатты технологиялық бағдарламаның құрылымы, технологиялық болжау және саладағы проблемалар талқыланды. Іскерлік кездесу аяқталғаннан кейін компания басшылары Green Tech технологиялық болжамдау шеңберінде өзара тиімді ынтымақтастыққа дайын екендіктерін білдірді.  Әзірленіп жатқан технологиялық болжамдардың көміртегі бейтараптығына қол жеткізудегі маңызды рөлін ескере отырып, қатысушылар жасыл технологиялар мен жұмыстың басқа аспектілері бойынша өзара ынтымақтастықтың үлкен әлеуетін атап өтті. Іс-шара соңында қатысушылар институт өкілдеріне кездесуді ұйымдастырғаны үшін алғыс білдіріп, тақырып барлық қатысушылар үшін өте қызықты және өзекті болғанын атап өтті.
Қарау саны: 1011 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
