5 қазан күні Қазақ технология және бизнес университетінде экономика ғылымдарының докторы, профессор Гүлнар Нәжмиденқызы Дұғалованың ұйымдастыруымен ғылыми семинар өтті.
Ғылыми семинар магистранттар, студенттер және профессор-оқытушылар құрамы арасында шақырылған спикерлермен және әртүрлі сала мамандарымен қарым-қатынас және білім алмасу мүмкіндігін қамтамасыз ету мақсатында өткізілді.
Іс-шарада Қазақстан Республикасы Парламенті Мәжілісінің депутаты, Аграрлық мәселелер комитетінің мүшесі Нұржан Кемерұлы Әшімбетов және «Экономикалық зерттеулер институты» АҚ басқарма төрағасының орынбасары Әділ Миратұлы Құсманов баяндама жасады.
Әшімбетов «Қазақстандағы агроөнеркәсіп кешенінің мәселелері мен болашағы» және «Қазақстан Республикасындағы мемлекеттік жергілікті басқару жүйесіндегі реформалар» бағыттары бойынша ақпарат берді.
Әділ Миратұлы өз сөзінде Қазақстандағы Тұрақты даму мақсаттарын жүзеге асыру мәселелерін ашып берді. Баяндамашы Тұрақты даму мақсаттарын (бұдан әрі – ТДМ) іске асырудың институционалдық негіздеріне тоқталды. Сонымен қатар, ТДМ ұлттық индикаторларының жүйесі, стратегиялық және бюджеттік жоспарлауды үйлестіру, ТМД-ны ескере отырып бюджетті жоспарлаудың әлемдік тәжірибесі және Қазақстандағы тұрақты даму мақсаттарын одан әрі іске асыру бағыттарын ұсынды.
Ғылыми семинар барысында спикерлердің баяндамалары іс-шараға қатысушылардың үлкен қызығушылығын тудырды, қонақтар барлық сұрақтарға жауап берді.
