Global Factory халықаралық тобы делегациясымен кездесу
23.10.2023
2023 жылғы 23 қазанда «Экономикалық зерттеулер институты» АҚ мамандарының Global Factor халықаралық тобының делегациясымен кездесуі өтті. Global Factor-климаттың өзгеруін азайту және бейімдеу, энергетикалық ауысу, жасыл өсу, климаттық қаржыландыру, айналмалы экономика және көміртегі нарықтарын қоса алғанда, әртүрлі салаларда жаһандық, инновациялық және тұрақты шешімдерді ұсынуға маманданған көпфункционалды халықаралық команда.  Global Factor 100-ден астам сарапшының басын қосқан халықаралық және пәнаралық командадан тұрады. Global Factor делегациясының құрамында халықаралық департаменттің басшысы Marta Areitio және дамыту жөніндегі маман Celia Pere қатысты. Кездесу барысында Global Factor өкілдері климаттың өзгеруін азайту және бейімделу стратегияларын әзірлеуді, сондай-ақ институционалдық мүмкіндіктерді нығайтуды, климаттық қаржыландыруды дамытуды, декарбонизацияны және «таза» нөлге жетуді қоса алғанда, кең ауқымды міндеттерді қамтитын қызметтері мен мүмкіндіктеріне егжей-тегжейлі шолу жасады.  Талқылау болашақ ынтымақтастық пен серіктестік үшін өзара тиімді мүмкіндіктерді зерттеуге бағытталған. Іскерлік кездесу нәтижесінде екі тарап өзара тиімді ынтымақтастыққа дайын екендіктерін білдірді.
Қарау саны: 961 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
