ERI сарапшылары өңірлік ТДМ платформасы үшін Өзбекстанның ТДМ ұлттық міндеттерін валидациялау бойынша семинарлар өткізді

Семинардың мақсаты – ТДМ іске асыру мониторингі алаңы үшін деректерді қалыптастыру бойынша жұмыстың алдын ала нәтижелерін талқылау және келісу.

Бұл шараға Өзбекстандағы ТДМ жүзеге асыру жөніндегі үйлестіру органының, Өзбекстан Республикасы Президенті жанындағы Статистика агенттігінің, мәліметтерді жинауға және ТДМ ұлттық мақсаттарын іске асыруға жауапты орталық министрліктер мен ведомстволардың өкілдері шақырылды.

ТДМ мониторингі үшін ақпараттық платформаны іске қосу жобасы Ыстанбұл хабы, Еуропалық Одақ және Өзбекстандағы БҰҰ Даму бағдарламасының техникалық қолдауымен жүзеге асырылуда.

БҰҰДБ Өзбекстандағы жоба менеджері Ф.Салахуддинов семинарға қатысушыларға құттықтау сөз сөйледі. Ол ТДМ-ны іске асыру платформасын қалыптастырудағы БҰҰДБ рөлі туралы, ТМД-ны іске асырудың проблемалары мен мүмкіндіктері туралы айтты. Ол сондай-ақ 2030 күн тәртібіне қол жеткізу және ТДМ-ны өңірлік тұғырнамаға біріктіру бойынша жұмысты күшейтудің маңыздылығын атап өтті.

Экономикалық зерттеулер институты ТДМ хатшылығының директоры Б.Хамбар Өзбекстанның ТДМ ұлттық көрсеткіштерін талдау нәтижелерін және ТДМ мақсатты көрсеткіштері мен индикаторларының өзара байланысын талдаудың негізгі тәсілдерін жариялады.

БҰҰДБ Ыстанбұл аймақтық хабының жасыл экономика және жұмыспен қамту бағдарламасының маманы М.Пелях қатысушыларды аймақтық платформаның тұжырымдамасымен және мониторинг деректер базасымен жұмыс істеу бойынша нұсқаулықтармен таныстырды.

Семинар барысында қатысушылар ТДМ ұлттық мақсаттары арасындағы барлық анықталған байланыстарды пысықтады. Ұлттық контексттегі мақсаттардың жаңа өзара байланыстары да анықталды.

Осы өзара әрекеттестіктерді ашу және түсіну Өзбекстанға 2030 жылға дейінгі ТДМ қол жеткізуге және өзара тиімді шешімдер табуға көмектеседі. Ұлттық басымдықтар мен жетістіктерге сүйене отырып, Өзбекстанда ТДМ-ға қол жеткізуді жеделдетудің ең үлкен әлеуеті бар жолдарды таңдауға болады.

Орталық Азия елдерінде әзірленіп жатқан ТДМ аймақтық ақпараттық платформасы тұрақты даму үрдістерін қадағалауға мүмкіндік береді, сондай-ақ Орталық Азия аймағында тәжірибе алмасуға және статистикалық әлеуетті нығайтуға ықпал етеді. Бұған қоса, елдер бұл бақылау тақтасын аймақтағы ТДМ-ға жетудегі ілгерілеуді талдау үшін, сондай-ақ трансшекаралық проблемаларды шешу үшін пайдаланады деп күтілуде.