Пилоттық аудандар мен облыстық маңызы бар қалаларда әкім лауазымына үміткерлерді ұсыну қорытындылары

Бұл басылымда Экономикалық зерттеулер институты еліміздің 6 облысында (Ақмола, Қостанай, Солтүстік Қазақстан, Павлодар, Шығыс Қазақстан және Қарағанды облыстары, сондай-ақ Ұлытау облысы) пилоттық аудандар мен облыстық маңызы бар қалалардың әкімдеріне үміткерлердің қалай ұсынылғаны туралы айтып береді.

Ақмола облысында 5 ауданда (Ақкөл ауданы, Астрахан ауданы, Есіл ауданы, Жақсы ауданы, Шортанды ауданы) 23 адамның кандидатурасы ұсынылды. Оның ішінде 5 үміткерді «Amanat» партиясы ұсынды, 1 үміткер «Ауыл» халықтық-демократиялық патриоттық партиясы ұсынды, қалған 17 үміткер өзін-өзі ұсынды. Үміткерлердің орташа жасы 46 жасты құрады. Ең жасы үлкен үміткер – 62 жаста, ең жас – 29 жаста. Жынысы бойынша үміткерлер құрамы: 22 ер, 1 әйел адам.

Қостанай облысында 4 ауданда (Алтынсарин ауданы, Денисов ауданы, Қарабалық ауданы, Федоров ауданы) және Рудный қаласында үміткерлерді ұсыну өтті. Облыс бойынша барлығы 17 адам өз кандидатураларын ұсынды. Олардың ішінде 5 үміткер «Аmanat» партиясы, 1 үміткерден Қазақстан халықтық партиясы мен «Respublica» партиясы ұсынды, қалған 10-ы өзін-өзі ұсынушылар болды. Үміткерлердің орташа жасы 42 жасты құрады. Ең жасы үлкен үміткер 58 жаста, ал ең жасы - 30 жаста болды. Айта кету керек, үміткерлердің барлығы – ер адамдар. 17 үміткердің 15-і мемлекеттік қызметшілер болды.

Павлодар облысында әкімдер сайлауы 3 ауданда (Ақтоғай ауданы, Железин ауданы, Шарбақты ауданы) өтеді. Барлығы 19 үміткер тіркелген. «Amanat» партиясы 3 үміткерді, «Байтақ» Қазақстандық жасылдар партиясы - 2, «Ақ жол» ҚДП - 1, «Respublica» партиясы - 1, «ҚДП» партиясы -1 ұсынды, қалған 11 кандидат өзін-өзі ұсыну бойынша ұсынылды. Үміткерлердің орташа жасы 45 жасты құрады. Ең жасы үлкен үміткер 55 жаста, ал ең жасы-  36 жас құрады. Үміткерлердің көп бөлігі ерлер - 5. Бұл ретте 2 әйел ұсынылды.

Шығыс Қазақстан облысында Глубокое ауданында және Алтай ауданында әкімдер сайлауы өтеді. Облыс бойынша барлығы 7 адамның кандидатурасы ұсынылды. Олардың ішінде 2 үміткерді «Amanat» партиясы ұсынды, қалған 5 үміткер өзін-өзі ұсынды. Үміткерлердің орташа жасы 45 жасты құрады. Ең жасы үлкен үміткер – 56 жаста, ең жасы - 32 жаста. Барлық үміткерлер ер адамдар болып табылады. Қызмет түрі бойынша мемлекеттік қызметшілер басым – 6, 1 үміткер «Виситаев Р.Д.» шаруа қожалығының басшысы болып табылады.

Ұлытау облысында сайлау Ұлытау ауданында өтетін болады.  Аудан әкімі лауазымына 5 адам талаптанады. Олардың ішінде 4 үміткер өзін-өзі ұсынды, 1 үміткер «Amanat» партиясынан ұсынылды.Үміткерлердің орташа жасы 46 жасты құрады. Ең жасы үлкен үміткер 57 жаста, ең жас үміткер 31 жаста болды. Барлық үміткерлер ер адамдар болып табылады.

Үміткерлер арасында ер адамдар көпшілікті құрады. Бұл ретте барлығы 4 әйел ұсынылды.