Экономикалық зерттеулер институтының сарапшылары Ақмола облысының Целиноград ауданында орналасқан Родина ауылына қызықты және ақпараттық сапармен барды.
АНЫҚТАМА ҮШІН: Ауылдың базалық шаруашылығы "Родина" АФ ЖШС болып табылады. Бұл қазіргі заманғы технологиялар қолданылатын көпсалалы дамыған ауыл шаруашылығы құрылымы. Серіктестік елорданың азық-түлік белдеуін қалыптастыруға және елдің азық-түлік қауіпсіздігі тұжырымдамасын іске асыруға үлес қосады.
Институт сарапшыларының Родина ауылына сапарының мақсаты жергілікті жердегі ауылдық бизнестің жұмысымен танысу, сүт бизнесі өндірісінің барлық циклдерін түсіну және жергілікті бизнес өкілдерімен байланыс орнату болды.
Родина ауылының мәдениет үйі директоры Тимур Айдаргазинов "Родина" ауылына және агрофермасына экскурсия өткізді. Ол сарапшыларға сүт кешені мен зауытты таныстырып, сүт өндірісінің бүкіл циклін көрсетті. Экскурсия барысында қонақтар кәсіпорынның техникалық жабдықталу деңгейін және оның қызметкерлерінің кәсібилігін бағалай алды.
Сапар барысында «Родина» агрофирмасының директоры Иван Адамович Сауэрмен кездесу өтті. Ол Институт қызметкерлерінің сұрақтарына жауап беріп, әр адамның қоғамның дамуына елеулі үлес қосу қабілетін атап өтті. "Біз әрқашан біреу келіп біз үшін барлығын істеп береді деп күтеміз. Дегенмен, іс жүзінде әрқайсымыз өз орнымызда данышпан немесе жұлдыз бола аламыз. Осыны түсіне алсақ өміріміз бен әлемге деген көзқарасымыз жақсы жаққа өзгереді", - деп атап өтті Сауэр.
Бұл сапар - Қазақстанның ауыл шаруашылығы секторын, оның әлеуетін және елдің азық-түлік қауіпсіздігін қамтамасыз етуге қосқан үлесін жақсы түсінуге мүмкіндік береді.
