«2030 жылға дейінгі кезеңге тұрақты даму мүддесінде білім беру» ұлттық семинары

Семинарды ЮНЕСКО ББСТД-2030 Жол картасын ұсыну және ББСТД бойынша шолу зерттеу, сондай-ақ Қазақстандағы ББСТД бойынша Ұлттық бастаманы талқылау мақсатында ұйымдастырды. Іс-шараға мемлекеттік органдардың, білім беру ұйымдарының, ғылыми орталықтардың, халықаралық ұйымдардың өкілдері қатысты.

 

Семинарды ашқан қатысушыларды ҚР Білім Министрінің кеңесшісі Алмагүл Жабатайқызы Құлтұманова және Алматыдағы ЮНЕСКО Өңірлік кеңсесінің білім бөлімінің басшысы Нұрбек Тілешалиев қарсы алды. Іс-шараның модераторы білім беру бағдарламасы бойынша ұлттық маман Мейіргүл Алпысбаева болды. 

Алпысбаева ханым семинарға қатысушыларды 2030 жылға дейінгі Орнықты даму саласындағы күн тәртібін іске асыру кезінде негізгі элемент болып табылатын орнықты даму мүддесі үшін білім беруге бағытталған ББСТД -2030 Жол картасымен таныстырды. ББСТД -2030 жол картасы бес бағытты қамтиды: саясат деңгейінде қолдау, оқыту және кәсіптік даярлау саласын реформалау, педагогтердің кәсіби деңгейін арттыру, жастарды жұмылдыру және жергілікті деңгейде тұрақты шешімдерді енгізуді жеделдету. 

Семинардың негізгі спикері ЮНЕСКО-ның ББСТД бойынша кеңесшісі Сәуле Аманжолқызы Қаликова болды. Қаликова ханым жобалар, бастамалар мен іс-шаралар бөлінісінде бес басым бағыт бойынша Қазақстан үшін ТБЖ бойынша картографиялық зерттеу қорытындыларын таныстырды. Семинардың екінші жартысында қатысушылар ББСТД Ұлттық бастамасы мен ұлттық іс-қимыл жоспарын нақтылау және толықтыру үшін ББСТД бағыттары бойынша топтарда талқылаулар өткізді. 

 

Анықтама: ЮНЕСКО-Біріккен Ұлттар Ұйымының білім, ғылым және мәдениет жөніндегі мамандандырылған мекемесі. Штаб-пәтері Францияның Париж қаласында орналасқан. 

ESD Net – ЮНЕСКО-ның 2030 жылға дейін ББСТД-ның негіздемелік бағдарламасын және білім алмасу және ынтымақтастық платформасын ұсынатын Жол картасын жүзеге асыруда елдерді қолдау үшін іске қосқан жаһандық желі. 

Тұрақты даму мүддесі үшін білім беру: «Жол картасы» - бұл 2030 жылға дейінгі кезеңге арналған ББСТД-ны іске асыру жөніндегі жаһандық негіздемелік бағдарлама. 2030 жылға дейінгі ББСТД-ның негіздемелік бағдарламасы БҰҰ-ның ББСТД (2005-2014 жж.) онжылдығы бағдарламасының және ББСТД (GAP, 2015-2019 жж.) жөніндегі жаһандық іс-қимыл бағдарламасының тәжірибесіне негізделген және тұрақты даму мақсаттарына қол жеткізуде білім берудің рөлін арттыру жөніндегі басымдықтарды іске асыруға бағытталған. 

ББСТД-да 2030 жылға дейін білім берудің барлық он жеті ББСТД-ға қол жеткізуге қосқан үлесін арттыруға баса назар аударылады. Бағдарлама білім берудің міндеттері мен құндылықтарын қайта қарауды, білім берудің барлық деңгейлерін тұрақты дамуға қайта бағдарлауды және ТДМ 4, атап айтқанда 4.7 міндеттеріне сәйкес білім берудің сапасы мен өзектілігін арттыруды, сондай-ақ болашақ үшін жауапкершілікті бірінші орынға қоятын өзекті білім беруді қамтамасыз ету жөніндегі барлық басқа ТДМ-ларды өз мақсатына қояды.