2023 жылдың 29 қарашасында «Экономикалық зерттеулер институты» АҚ (бұдан әрі – Институт) қабырғасында «Экономикалық өсуді қамтамасыз ету жүйесіндегі нормошығармашылық» тақырыбында Ашық диалог өтеді.
Іс-шараның мақсаты – шақырылған сарапшылармен пікірталас форматында Қазақстан Республикасындағы заң шығару процесінің өзекті мәселелерін талқылау.
Ашық диалогқа мүдделі мекемелер мен ұйымдардың өкілдері, норма шығару мәселелері бойынша мамандар мен сарапшылар қатысады деп жоспарлануда.
Шара барысында келесі мәселелер талқыланады:
- Қазақстан Республикасындағы заң шығару процесінің мәселелері.
- Ғылыми сараптаманың тиімділігін арттыру: құқықтық, экономикалық, сыбайлас жемқорлыққа қарсы, лингвистикалық.
- Норма шығарудағы қоғамдық талқылаулардың рөлі: «Ашық құқықтық актілер», Қоғамдық кеңестер және т.б.
- Негіздік заңдар немесе тікелей заңдар.
- Стандарттарды қажетсіз (артық) реттеуді жою үшін реформа.
- Саяси қызметкерлердің жеке жауапкершілігін арттыру бойынша әкімшілік реформа.
- Заң шығару процесін цифрландыру.
Ашық диалогта талқыланатын мәселелер бойынша ұсыныстарыңызды ekspertiza2011@eri.kz электрондық поштасына жіберуіңізді сұраймыз.
Іс-шара институт ғимаратында өтеді:
Астана қ., Темірқазық, 65. Экономика үйі, 2-қабат, Мәжіліс залы.
Уақыты: 2023 жылдың 29 қарашасы, сағат 15.00
