Астана қаласы мен Ұлытау облысында респонденттердің жартысынан көбі балабақшалардың жетіспеушілігін атап өтті

Лондон экономика және саяси ғылымдар мектебінің (LSE) және Экономикалық зерттеулер институтының (ERI) сарапшылары орындаған Қазақстан өңірлерінде қала және ауыл тұрғындарының сапалы өмір жағдайын қалай қабылдайтыны туралы жалпыұлттық  зерттеу шеңберінде Қазақстан Республикасы Үкіметі мен Азия даму банкінің Білім және тәжірибе алмасудың бірлескен бағдарламасының «Өңірлік теңсіздікті зерттеу» жобасы шеңберінде 2022 жылы мектепке дейінгі білім беру объектілерінің қолжетімділігін бағалау жүргізілді.

Жүргізілген сауалнама қорытындысы бойынша, ел бойынша білім беру объектілерінің қолжетімділігіне қанағаттану деңгейі - орта деңгейде. Осылайша, респонденттердің 70,1%-ы өз өңірінде мектептер жеткілікті деп санайды, 65,4%-ы балабақшалардың жеткіліктілігі туралы айтады, ал 55%-ы жоғары оқу орындарының санына қанағаттанады. Сауалнамаға қатысқандардың жартысынан азы өңірдегі білім беру нысандарының жеткіліксіздігін атап өтті.

Респонденттердің бағалауы бойынша мектепке дейінгі білім беру объектілерінің жетіспеушілігі мәселесі 20 өңірдің 2-інде тұр: Ұлытау облысында (53,4%) және Астана қаласында (55,7%). Тағы екі өңірде: Шымкент қаласында (45,7%) және Шығыс Қазақстан облысында (47,9%) респонденттердің жартысына жуығы балабақшалардың жеткіліксіздігін атап көрсетті.

Ахмет Байтұрсынұлы атындағы "Талдау" білім беруді зерттеу және бағалау ұлттық орталығы" АҚ деректеріне сәйкес, 2022 жылдың қорытындысы бойынша Астана қаласы 1 жастан 3 жасқа дейінгі балаларды мектепке дейінгі тәрбиемен және оқытумен қамту бойынша аутсайдерлердің бірі болғанын атап өткен жөн. Астана қаласында мектепке дейінгі тәрбиемен және оқытумен 1 жастан 3 жасқа дейінгі балалардың 37,4%-і қамтылды, республика бойынша орташа қамту - 56,3%.