Астана қаласында мектептерге қолжетімділік деңгейі ең төмен

Лондон экономика және саяси ғылымдар мектебінің (LSE) және Экономикалық зерттеулер институтының (ERI) сарапшылары орындаған Қазақстан өңірлеріндегі қала және ауыл тұрғындарының әл-ауқатын қабылдауды жалпыұлттық зерттеу шеңберінде Қазақстан Республикасы Үкіметі мен Азия даму банкінің Білім және тәжірибе алмасудың бірлескен бағдарламасының «Өңірлік теңсіздікті зерттеу» жобасы шеңберінде, 2022 жылы орта білім беру объектілерінің қолжетімділігіне бағалау жүргізілді.

Жүргізілген сауалнама қорытындысы бойынша, ел бойынша білім беру объектілерінің қолжетімділігіне қанағаттану деңгейі - орта деңгейде. Осылайша, Респонденттердің 70,1%-ы өз өңірінде мектептер жеткілікті деп санайды, 65,4%-ы балабақшалардың жеткіліктілігі туралы айтады, ал 55%-ы жоғары оқу орындарының санына қанағаттанады. Сауалнамаға қатысқандардың жартысынан азы өңірдегі білім беру нысандарының жеткіліксіздігін атап өтті.

Орта білім беру объектілерінің қолжетімділігіне қатысты, Қызылорда (91,9%), Солтүстік Қазақстан (84,8%), Қарағанды (80,9%) облыстарының респонденттері ең жоғары баға берді. Елорда тұрғындары, керісінше, балабақшалардың жетіспеушілігімен қатар орта білім беру нысандарының тапшылығын да атап өтті: Респонденттердің 59,5%-ы Астана қаласында мектептер жетіспейді деп есептейді. Батыс өңірлерде – Маңғыстау және Атырау облыстарында тұрғындар орта білім беру объектілерінің жеткіліктілігіне төмен баға берді, мұнда респонденттердің 40% жуығы өңірлердегі мектептер санына қанағаттанбайды.

Статистикалық деректерге сәйкес, 2022 жылдың қорытындысы бойынша Қазақстан бойынша ЖАО-ға ведомстволық бағынысты 6942 күндізгі мемлекеттік жалпы білім беретін мектеп болды. Статистикаға сәйкес Астана қаласында (93 мектеп), Маңғыстау облысында (143 мектеп), Атырау облысында (198 Мектеп) және Шымкент қаласында (142 мектеп) мектептер саны аз.

 

 

Осылайша, өңірлерде елді-мекендер бөлінісінде мектептердің жетіспеушілігіне назар аудару қажет. Орта білім беру объектілерінің қолжетімділік факторы орта білім беру сапасына елеулі әсер етеді, тұрақты мониторингті және осы мәселе бойынша мәселелерді уақтылы шешуді талап етеді.