Мемлекет басшысы БҰҰ Дүниежүзілік азық-түлік бағдарламасының атқарушы директоры Синди Маккейнмен кездесті
11.02.2024
Біз ағымдағы жылдың маусым айында өтетін Астана халықаралық форумы (AIF) аясында жаңалықтарды бақылауды жалғастырамыз. Президент Қасым-Жомарт Тоқаев 2024 жылғы 19 қаңтарда Римге ресми сапары аясында БҰҰ Дүниежүзілік азық-түлік бағдарламасының (ДАБ) атқарушы директоры Синди Маккейнмен кездесті (akorda.kz хабарламасына сәйкес).  Мемлекет басшысы Азық-түлік қауіпсіздігі жөніндегі ислам ұйымы (АҚИҰ) мен БҰҰ-ны қоса алғанда, халықаралық ұйымдар желісі бойынша жаһандық азық-түлік қауіпсіздігін қамтамасыз ету және гуманитарлық көмек көрсету бойынша Қазақстанның іске асырып жатқан шаралары туралы айтып берді. 2023 жылы Қазақстан алты елге 9,2 млн доллар сомасына гуманитарлық көмек көрсетті. Газа секторындағы күрделі гуманитарлық ахуал аясында Қазақстан Палестина халқына 1 млн доллар сыйға тартып, гуманитарлық көмектің екі партиясын жеткізді. Сондай-ақ Ауғанстанға, Түркияға, Пәкістанға және табиғи апаттардан зардап шеккен басқа да елдерге қаржылық көмек көрсетілді. Президент Ауғанстандағы жағдайға ерекше назар аударды. Оның пікірінше, халықаралық қауымдастықтың осы елдегі гуманитарлық дағдарыстың алдын алуға күш-жігер салуды жалғастыру өте маңызды. Қасым-Жомарт Тоқаев қазіргі уақытта Алматыда Орталық Азия мен Ауғанстан үшін Орнықты даму мақсаттары бойынша БҰҰ Өңірлік орталығын құру бойынша жұмыс жүргізіліп жатыр деп мәлімдеді. Аталған Орталықтың қызметі өңірлік бейбітшілікті, қауіпсіздікті және орнықты дамуды нығайту мақсатында БҰҰ-ның Орталық Азиядағы ведомствоаралық үйлестіруін ретке келтіруге мүмкіндік береді.  Кездесу аяғында Мемлекет басшысы Синди Маккейнді алдағы Астана халықаралық форумға қатысуға шақырды. Азық-түлік қауіпсіздігін қамтамасыз ету және тұтастай алғанда тұрақты даму мәселелері өзінің жаһандық өзектілігін сақтайтынын және AIF 2024 күн тәртібіне міндетті түрде енгізілетінін атап өткен жөн. Анықтама үшін: "Экономикалық зерттеулер институты" АҚ базасында Astana International Forum дайындау және өткізу жөніндегі ұйымдастыру комитетінің хатшылығы жұмыс істейді. Форум 2024 жылғы 13-14 маусымда өтеді. Толық ақпарат – іс-шара сайтында.
Қарау саны: 681 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
