2024 жылғы қаңтардағы өңірлік инфляция

Осы жылғы қаңтар айының қорытындысы бойынша Қазақстанда жылдық тұтынушылық инфляция қатарынан он бірінші айда төмендеп, 9,5%-ке жетті, бұл 2022 жылғы ақпаннан бері ең төменгі деңгей болып табылады.

Ел өңірлерінде бағаның өсуімен жағдай қандай екенін қарастырайық.

Жылдық мәнде бағаның ең жоғары өсімін Қарағанды облысы (11,3%), Маңғыстау облысы (10,6%) және Шығыс Қазақстан облысы (10,1%) көрсетеді. Барлық облыстарда инфляция деңгейі былтырғы көрсеткіштерден едәуір төмен болды, әсіресе Астанада инфляцияның 23,8%-тен 8,8%-ке дейін төмендеуі байқалды. Инфляцияның ең төменгі деңгейі Ақтөбе (8,6%), Алматы (8,5%) және Қызылорда облыстарында (8,1%) тіркелді.