Біздің өңірлер аймақтық стандарттар жүйесіне қаншалықты сәйкес келеді?

2022 жылдың қорытындысы бойынша Қостанай облысының объектілермен және қызметтермен қамтамасыз етілу деңгейі -66,4% құрады (ҚР бойынша 8 орын).

Білім беру саласындағы объектілермен және көрсетілетін қызметтермен (игіліктермен) қамтамасыз ету деңгейі 98,4% құрады. Қамтамасыз етудің жоғары деңгейіне қарамастан, салада шешуді қажет ететін белгілі бір проблемалар бар. Мысалы, 965 білім беру мекемесінің 8,8%-і немесе 85-і күрделі жөндеуді қажет етеді, ал 320-сы материалдық-техникалық базаны жаңғыртуды қажет етеді. Білім беру нысандарының жетіспеушілігі маңызды мәселе болып табылады. Қосымша қажеттілік-31 бірлікті құрайды.

Денсаулық сақтауда проблемалар ауылдық жерлердегі медициналық мекемелердің жетіспеушілігімен және олардың жабдықталу деңгейімен байланысты, бұл көрсетілетін медициналық қызметтердің қолжетімділігі мен сапасына әсер етеді. Өңірдегі ауруханалармен қамтамасыз ету деңгейі 96,3% құрайды. Бұл ретте облыста 6 медициналық мекеме апатты жағдайда тұр, ал 44-і күрделі жөндеуді қажет етеді. Қосымша 38 медициналық нысан салу қажет.

Облыстың елді мекендерінде мәдени-спорттық объектілермен қамтамасыз ету деңгейі 98,8%,  мұражайлар – 97,0%, кітапханалар – 99,0%, дене шынықтыру-сауықтыру кешендері – 96,7%, спортзалдар – 97,3%, мәдени-демалыс ұйымдары – 97,1% құрайды.

Қамтамасыз етудің жоғары көрсеткіштеріне қарамастан, салада мынадай проблемалар бар: 6 мәдени-спорттық нысан апатты жағдайда, 50 нысан күрделі жөндеуді қажет етеді, 165 нысан материалдық-техникалық базаны жаңартуды қажет етеді. Бұл ретте 50 нысанды салуға қосымша қажеттілік бар.

Облыстың елді мекендерінде көлік инфрақұрылымымен қамтамасыз ету 93,5% құрайды. Соған қарамастан, елді мекендер ішіндегі жолдармен қамтамасыз етілу көрсеткіштері айтарлықтай төмен – 70,2%, көше жарығы — 77,7%. Ең нашар жағдай қоғамдық көлікте. Облыстың елді мекендерінің қоғамдық көлікпен қамтамасыз етілуі небәрі -52% құрайды.

Өңірде инженерлік инфрақұрылымда проблемалар бар: жылумен қамтамасыз ету – 12,8%, орталық кәрізбен қамтамасыз ету-36,6% құрайды. Бұл ретте облыста 32,9% немесе 1,8 мың км кәріз желілері ауыстыруды талап етеді. Кәріз және тазарту қондырғыларының жағдайы маңызды мәселе болып табылады. Тозу көрсеткіші орта есеппен 50%-тен асады.

Сонымен қатар, сауалнама нәтижелері Денсаулық сақтау саласындағы проблемалардың бар екендігін көрсетті. Сауалнама қорытындысы бойынша Қостанай облысы Медициналық қызметке қанағаттану деңгейі бойынша соңғы орынға ие болды (29,9%). Сонымен қатар, облыс тұрғындарының жартысынан көбі облыста аурухана мекемелері жеткіліксіз деп санайды.

Қорытындылай келе, Қостанай облысының басты проблемаларының бірі қала және ауыл тұрғындары арасындағы өмір сүру деңгейіндегі диспропорциялар болып табылатынын атап өткен жөн. Облыс қалаларында өңірлік стандарттар жүйесіне сәйкес объектілермен және қызметтермен қамтамасыз ету -85,2%  құрайды, ал ауылдық жерлерде бұл көрсеткіш - 66,1%  құрайды.