Бизнестің адалдығы. 3-кейс
03.05.2024
Біз кәсіпкерлердің адалдығын сипаттайтын қызықты кейстерді жариялауды жалғастырамыз. Сіздердің назарларыңызға мемлекеттік сатып алу саласындағы жағдайды ұсынамыз, онда компаниялар әртүрлі "қулықтар" арқылы тендерде жеңіспаз атану мүмкіндігін жақсартуға тырысады. Осындай жағдайлардың бірі Қызылорда облысында орын алды, онда компания кейбір деректерді бұрмалау арқылы мемлекеттік сатып алуға қатысуға тырысты. Мемлекеттік сатып алуды жүзеге асыру қағидаларының 35-тармағына сәйкес әлеуетті өнім берушілерге біліктілік талаптары қойылады, мысалы, құқық қабілеттілігінің болуы, қаржылық орнықты болуы, салық берешегінің болмауы, жұмыс тәжірибесінің болуы және т.б.  Жұмыс тәжірибесін растау мақсатында компания 2008-2011 жылдары орындалған жұмыстардың шот-фактуралары мен актілерін ұсынды, алайда, актілердің нысаны 2012 жылғы үлгіге сәйкес келді. Яғни, ұсынылған құжаттардағы ақпарат жалған болып шықты. Алдау фактілері шыққан кезде, компанияның өтінімі қабылданбады, өйткені жалған мәліметтер компанияны тендерге қатысушылар тізімінен шығаруға негіз болды. Дегенмен, Тапсырыс беруші осы Өнім берушіні мемлекеттік сатып алудың жосықсыз қатысушысы деп тануды талап етіп сотқа жүгінген кезде, бірінші сатыдағы жергілікті сот талап қоюдан бас тартты. Судья компания конкурстан шығарылғандықтан, оның әрекеттері оның нәтижелеріне әсер етпеді деп есептеді. Алайда, Қазақстан заңнамасына сәйкес, жалған ақпарат берудің өзі оның тендерге қатысуға жіберілуіне немесе онда жеңімпаз атануына қарамастан, қатысушыны жосықсыз деп тану үшін жеткілікті негіз болып табылады. Бұл мемлекеттік сатып алу процестеріндегі адалдық пен ашықтықтың маңыздылығын растайды. Апелляциялық сатыдағы сот істі қайта қарап, Тапсырыс берушінің талабын қанағаттандырғанын, компанияны мемлекеттік сатып алудың жосықсыз қатысушысы деп танығанын атап өткен жөн. Апелляциялық соттың шешімін кейіннен Қазақстан Республикасының Жоғарғы Соты да растады, осылайша мемлекеттік сатып алуларға адал қатысу қажеттілігі туралы прецедент бекітілді. Қолданыстағы заңнамаға сәйкес осы Өнім беруші сот шешімі заңды күшіне енген күннен бастап 24 ай ішінде мемлекеттік сатып алуға қатыса алмайды. Бұл іс мемлекеттік сатып алуға құжаттарды тапсыру кезінде дәлдік пен адалдықтың маңыздылығын көрсетеді және мұндай манипуляция үшін заң елеулі санкциялар салуы мүмкін екенін көрсетеді. Адал бәсекелестікті және мемлекеттік сатып алудың тиімділігін қолдау үшін процестің барлық қатысушыларының бизнесті адал жүргізу ережелері мен стандарттарын сақтауы өте маңызды болып табылады.
Қарау саны: 302 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
