Экономикалық зерттеулер институты ел өңірлерінде өткен ауылдық округтер әкімдерін сайлау қорытындылары туралы жарияланымдар топтамасын жариялауды жалғастырады. Бүгінгі жариялым Жетісу облысына арналады.
2023 жылғы 10 желтоқсанда облыста үш ауданда ауылдық округ әкімдерінің сайлауы өтті.
Ақсу ауданында Қызылағаш ауылдық округі әкімінің сайлауы өтті. Ауылдық округ бойынша барлығы 4 кандидат тіркелді. Барлық үміткерлер өзін-өзі ұсыну тәртібімен ұсынылды. Үміткерлердің орташа жасы 43 жасты құрады. Ең егде үміткер 51 жаста, ең жас үміткер 35 жаста болды. Кандидаттардың гендерлік құрамы: 1 әйел және 3 ер. 1 кандидат өз қалауы бойынша сайлаудан өз кандидатурасын алып тастады. Сайлау округі бойынша сайлаушылар тізіміне барлығы 1 743 азамат енгізілді, олардың 841-і дауыс берді. Сайлаушылардың қатысуы 48,3% құрады. Дауыс беру қорытындысы бойынша ауылдық округ әкімі болып Қызылағаш ауылының 35 жастағы тұрғыны сайланды.
Кербұлақ ауданында Қарашоқы ауылдық округі әкімінің сайлауы өтті. Ауылдық округ бойынша барлығы 3 кандидат тіркелді. 1 кандидатты "Amanat" партиясы ұсынды, қалған 2 кандидат өзін-өзі ұсынды. Олардың ішінде 1 ер адам және 2 әйел болды. Сайлау округі бойынша сайлаушылар тізіміне 1 464 азамат енгізілді, оның 1 170-і дауыс берді. Сайлаушылардың қатысуы 79,9% құрады. Сайлау қорытындысы бойынша ауылдық округ әкімі болып Қарашоқы ауылдық округінің 59 жастағы әкімі, Қарашоқы ауылының тұрғыны қайта сайланды. Оның кандидатурасын "Amanat" партиясы ұсынды.
Көксу ауданында Мұқаншы ауылдық округі әкімінің сайлауы өтті. Әкім лауазымына 4 кандидат үміткер болды. Оның 3-і өзін-өзі ұсынды, 1 кандидатты "Amanat" партиясы ұсынды. Үміткерлердің орташа жасы 38 жасты құрады. Ең егде үміткер 47 жаста, ең жас үміткер 30 жаста болды. Барлық үміткерлер ер адамдар болды. Сайлау округі бойынша сайлаушылар тізіміне 2145 азамат енгізілді, олардың 1806-сы дауыс берді. Сайлаушылардың келуі 84,2% құрады. Дауыс беру нәтижесі бойынша ауылдық округ әкімі болып Жетіжал ауылының 47 жастағы тұрғыны сайланды.
Жанерке Рахман, сарапшы
