Қазақстан мен Моңғолияның тауар айналымы 2023 жылы 133 млн долларды құрады, бұл 2022 жылғы көрсеткіштерден 28%-ға артық. ҚР Моңғолияға экспорты тауар айналымынан 93% немесе 124,3 млн долларды (импорт - 8,7 млн доллар) құрайды.
Соңғы 2 жылдағы ең көп экспортталған тауарлар смартфондар болып табылады. 2023 жылы Қазақстан 44 млн долларға смартфондар экспорттады, бұл 2022 жылғы көрсеткіштерден 3% төмен. Тізімде бұдан кейін темекі, локомотивтер және телекоммуникация жабдықтары тұр. Локомотивтер тек 2023 жылы ғана экспортталғанын, қалған жылдары экспорт көлемінің болмағанын атап өткен жөн. "Экономикалық зерттеулер институты" АҚ бағалауы бойынша локомотивтердің бір реттік экспорты Ресей темір жолының ("РТЖ" АҚ) жобасын іске асырумен байланысты болуы мүмкін.
Ең көп импортталатын тауарлар – теміржол вагондары (3,1 миллион доллар) және жылқы еті (2,7 миллион доллар). Жиынтығында екі тауар Қазақстанның Моңғолиядан келген барлық импортынан 67% құрайды.
Моңғолиядан Қазақстанға тікелей шетелдік инвестициялар 2023 жылы 0,8 млн долларды құрады, бұл 2022 жылғы көрсеткіштерден 40% төмен, бұл кезде жалпы ағын 1,3 миллион долларды құрады. Бұл ретте, Моңғолияға жалпы ағын 5,5 миллион долларды, ал 2024 жылдың 1 жартыжылдығында 2,6 миллион долларды құрады.
