2024 жылғы 23 қарашада Қазақстан Республикасы Экономикалық зерттеулер институтының ғимаратында Ұлттық байланыс орталығының (ҰБО) хатшылығы «Бизнесті жауапты жүргізу» (БЖЖ) және оның заманауи бизнес әлеміндегі маңызы туралы семинар-лекция өткізді.
Семинар Академияның «Өңірлік даму» бағыты бойынша Қазақстан Республикасы Президентінің жанындағы Мемлекеттік басқару академиясының магистранттары үшін ұйымдастырылды. Семинардың мақсаты – этикалық кәсіпкерлік принциптері мен халықаралық БЖЖ стандарттары туралы хабардарлықты арттыру.
Семинар-лекция барысында магистранттар келесі ақпараттармен танысты:
- Бизнесті жауапты жүргізудің түсінігі. Қатысушыларға БЖЖ компаниялардың заң шеңберінде ғана емес, сонымен қатар қоғам мүддесін, қоршаған ортаны және адам құқықтарын қорғауды ескере отырып әрекет ету міндеті екендігі түсіндірілді.
- Халықаралық БЖЖ стандарттары. БҰҰ-ның кәсіпкерлік пен адам құқықтары жөніндегі басшылық принциптері, ЭЫДҰ үшін басшылық принциптері, сондай-ақ ISO 26000 және ESG өлшемдері сияқты негізгі құжаттар қарастырылды.
- Әр түрлі елдерде БЖЖ принциптерін табысты қолдану тәжірибелері. Канада, Жапония және Нидерланды мысалдары жауапты бизнес жүргізуді қолдау жаһандық жеткізу тізбектерін жақсартуға, көміртегі шығарындыларын азайтуға және жұмысшылардың құқықтарын қорғауға қалай ықпал ететінін көрсетті.
- Қазақстан тәжірибесі. Қазақстанның ҰБО-ның табысты бастамалары, соның ішінде дауларды шешу және компанияларға халықаралық стандарттарды енгізуде көмек көрсету мәселелері талқыланды.
Іс-шара қорытындысы
Семинар-лекция магистранттардың, жергілікті атқарушы органдарда жұмыс істейтін мемлекеттік қызметшілердің қызығушылығын тудырды. Қатысушылар БЖЖ принциптерін енгізудің практикалық аспектілері, халықаралық стандарттарды Қазақстан жағдайына бейімдеу, сондай-ақ мемлекеттің және ҰБО-ның бизнесті қолдау рөлі туралы белсенді түрде сұрақтар қойды. Семинар қатысушылары тарапынан шағын және орта бизнес өкілдері үшін қолжетімді білім беру бағдарламалары мен кәсіпкерлердің хабардарлығын арттыру тәсілдеріне қызығушылық білдірілді.
Іс-шара қызықты талқылау және қатысушылардың сауалнамасымен аяқталды, оның нәтижелері БЖЖ саясатын елде дамытуда ескерілетін болады.
