Сауда
2023 жылы Қазақстан мен Ресей арасындағы тауар айналымы 25,9 млрд долларды құрады, бұл өткен жылмен салыстырғанда 3,9%-ға төмен (26,9 млрд доллар).
Тауар айналымының ең жоғары көрсеткіші 2022 жылы байқалды. 2019-2023 жылдар аралығында ең төменгі көрсеткіш 2020 жылы тіркелді (18,8 млрд доллар).
Қазақстаннан Ресейге экспорттың ең жоғары деңгейі 2023 жылы тіркелді – 9,8 млрд доллар, бұл алдыңғы жылмен салыстырғанда 7,7%-ға көп (9,1 млрд доллар).Ресейге экспорттың өсуі табиғи уран экспорт көлемінің 66,6%-ға артуымен байланысты болды.Қазақстаннан Ресейге экспорттың ең жоғары деңгейі 2023 жылы тіркелді – 9,8 млрд доллар, бұл алдыңғы жылмен салыстырғанда 7,7%-ға көп (9,1 млрд доллар).Ресейге экспорттың өсуі табиғи уран экспорт көлемінің 66,6%-ға артуымен байланысты болды.
Қазақстаннан Ресейге экспортталатын негізгі тауарлар:
- табиғи уран – 16,1% (1,6 млрд доллар),
- алюминий тотығы – 3,1% (301,1 млн доллар),
- өңделмеген темірден жасалған прокат – 2,9% (284,3
млн доллар),
- мырышталған темір прокаты – 2,4% (232,7 млн
доллар),
- темір рудалары мен концентраттары – 2,3% (226,6
млн доллар).
2022 жылы Ресейден Қазақстанға импорттың ең жоғары деңгейі байқалды – 17,9
млрд доллар. 2023 жылы бұл көрсеткіш 9,4%-ға төмендеп, 16,2 млрд долларды
құрады.
Импорттың төмендеуі келесі тауарлардың әкеліну көлемінің азаюымен байланысты:
- табиғи газ – 195,2 млн-нан 159,9 млн долларға
дейін,
- алтын – 535,4 млн-нан 152,5 млн долларға дейін,
- рудалар мен концентраттар – 253,9 млн-нан 151,1
млн долларға дейін,
- кокс – 248,3 млн-нан 136,2 млн долларға дейін.
Қазақстанға Ресейден импортталатын негізгі тауарлар:
- дистилляттар – 3,6% (588,8 млн доллар),
- мұнай-газ құбырларына арналған құбырлар – 2,2%
(360,1 млн доллар),
- бидай мен меслин – 1,8% (296,9 млн доллар),
- электр энергиясы – 1,5% (235,5 млн доллар),
- уран – 1,4% (235,5 млн доллар).
Инвестициялар
2023 жылы Ресейден Қазақстанға тікелей инвестициялардың жалпы ағыны 2,9
млрд долларды құрады, бұл 2022 жылдың сәйкес кезеңімен салыстырғанда 87,9%-ға
көп (1,5 млрд доллар).
2023 жылғы инвестиция көлемі 2005-2023 жылдар аралығындағы рекордтық көрсеткіш
болып табылады.
Қазақстанда ресейлік инвесторлар көлік, мұнай-химия, металлургия және
жабдықтар саласында жобаларды жүзеге асырады.
Ірі ресейлік компаниялардың ішінде «Лукойл», «Роснефть», «Росатом», «Газпром»
және т.б. бар.
Ұлттық инвестициялық жобалар пулына сәйкес, Ресей инвесторларының
қатысуымен келесі ірі жобаларды жүзеге асыру жоспарлануда:
- Атырау облысында полиэтилен өндіретін
интеграцияланған газ-химия кешенін салу (3,6 трлн теңге);
- Ақтөбе облысында титан-цирконий рудаларын өндіру
және қайта өңдеу бойынша тау-кен байыту кешенін салу (184 млрд теңге);
- Қостанай облысында жүк көліктеріне арналған шойын
құймаларын өндіру (78,2 млрд теңге);
- Қостанай облысында жетекші көпір арқалықтарының
өндірісін тереңдету (78 млрд теңге);
- Атырау облысында терефталь қышқылы мен оның
тұздарын өндіру (720 млрд теңге);
- Жамбыл облысында тыңайтқыштар өндірісі (500 млрд
теңге).
Жалпы, Ресейдің қатысуымен 6 трлн теңгеден астам инвестиция көлемімен 32
инвестициялық жоба әртүрлі жүзеге асыру сатысында тұр.
