2024 жылғы 6 желтоқсанда бизнесте адам құқықтарын қорғау бойынша Жұмыс тобының отырысы өтті
«Экономикалық
зерттеулер институты» АҚ алаңында БҰҰ-ның Нұсқаулық қағидаттарын ескере отырып,
кәсіпкерлік қызметте адам құқықтарын сақтау бойынша Жұмыс тобының отырысы
ұйымдастырылды.
Іс-шараға
мемлекеттік органдардың, бизнестің, халықаралық ұйымдар мен сарапшылар
қауымдастығының өкілдері қатысып, бизнесте адам құқықтарын қорғаудың негізгі
мәселелерін талқылады.
Отырыстың
негізгі тақырыптары:
- БҰҰДБ сарапшылары Дина Масанова
мен Татьяна Зинович Ұлттық базалық бағалау негізінде ұсыныстар ұсынды.
Қатысушылар жауапты бизнес стандарттарын нығайту үшін Нұсқаулық
қағидаттарды енгізудің маңыздылығын атап өтті.
- ҚР ҰЭМ мемлекеттік активтерді
басқару саясаты департаменті директорының орынбасары Дмитрий Ижбулатов
адам құқықтарын қорғауға бағытталған корпоративтік мінез-құлық нормаларын
таныстырды. Заңнамадағы олқылықтар мен оларды жою жолдары талқыланды.
- «Самұрық-Қазына» АҚ өкілдері —
Лаура Жаикбаева, Дюсенов Ильяс және Ділдабаева Жаннұр — корпоративтік
әлеуметтік жауапкершілік қағидаттарын және адам құқықтарын қорғау
тәжірибесін жүзеге асыру жөніндегі тәжірибелерімен бөлісті. Табысты
кейстер мен стандарттарды енгізудегі қиындықтар атап өтілді.
- Корпоративтік әлеуметтік жауапкершілік
стандарттарын және жеткізу тізбектеріндегі тиісті тексерулерді енгізу үшін
заңнаманы жетілдіру мәселелеріне ерекше назар аударылды.
Жұмыс тобы Қазақстанда жауапты бизнес
стандарттарын дамытуға бағытталған қызметін жалғастырады. Алдағы уақытта отырыс
барысында әзірленген ұсыныстарды іске асыру және өзекті мәселелер мен прогресті
талқылау үшін жаңа кездесулер ұйымдастыру жоспарлануда.
