Экономикалық зерттеулер институтында Ерікті ұлттық шолу 2025 жобасы талқыланды

Іс-шараның ашылуында Қазақстан Республикасы Парламенті Сенаты Төрағасының орынбасары Ольга Перепечина ел орнықты дамуға дәйекті түрде көшіп келе жатқанын, ал Ерікті ұлттық шолуды жүйелі түрде дайындау Қазақстанның Орнықты даму мақсаттарына қол жеткізуге деген ұмтылысын айқын айғақтайтынын атап өтті.

Ол сондай-ақ үшінші Ерікті ұлттық шолуды дайындау бойынша елеулі жұмыс күтіп тұрғанын және бұл жиналыс жобаны жан-жақты талқылау, қол жеткізілген нәтижелерді талдау, бар сын-қатерлерді анықтау және оларды еңсеру жолдарын анықтау үшін маңызды мүмкіндік болып табылатынын атап өтті.

Іс-шарада ҚР ҰЭМ Әлеуметтік саланы, құқық қорғау және арнайы органдарды дамыту департаментінің Директоры Нұргүл Жанназарова, Қазақстандағы БҰҰ Тұрақты үйлестірушісінің міндетін атқарушы Стивен О'Малли, Қазақстандағы БҰҰ Даму Бағдарламасының Тұрақты өкілі Катаржина Вавьерниа және "Экономикалық зерттеулер институты" АҚ Басқарма Төрағасы Әсел Сәрсенбаева сөз сөйледі.

ҚР Ұлттық экономика министрлігінің Әлеуметтік саланы, құқық қорғау және арнайы органдарды дамыту департаментінің Директоры Нұргүл Жанназарова Қазақстан ОДМ-ын стратегиялық жоспарлауға дәйекті түрде кіріктіріп жатқанын атап өтті.

Ол үшінші шолу барлық мүдделі тараптардың, соның ішінде мемлекеттік органдардың, азаматтық қоғамның, бизнестің және халықаралық ұйымдардың пікірлерін ескере отырып дайындалатынын атап өтті.

«Қазақстан орнықты болашаққа бет бұруда және бұл процесс бірлескен күш-жігерді талап етеді. Біз тек диалог пен серіктестік арқылы нақты өзгерістерге қол жеткізуге болатынына сенімдіміз», – деп қорытындылады Нұргүл Жанназарова.

"Экономикалық зерттеулер институты" АҚ Басқарма Төрағасы Әсел Сәрсенбаева БҰҰ елдік командасына, Қазақстан Парламентіне және Ұлттық экономика министрлігіне донорлық және тұжырымдамалық қолдау көрсеткені үшін, сондай-ақ жүргізіліп жатқан жұмыс шеңберінде әдіснамалық сүйемелдеу үшін БҰҰ Даму бағдарламасына алғыс білдірді.

Ол Институт ОДМ Үйлестіру кеңесінің хатшылығы ретінде бірінші және екінші ЕҰШ дайындап, жан-жақты талдау жүргізгенін атап өтті.

"Қазақстанның Азаматтық Альянсы" ЗТБ Президенті Бану Нұрғазиева өз сөзінде азаматтық қоғамның орнықты даму мақсаттарына қол жеткізуге қатысуының маңыздылығына назар аударды. Ол азаматтық қоғам халықты тартуды, бастамаларды бақылауды және қоғамдық мүдделерді ілгерілетуді қамтамасыз етуде шешуші рөл атқаратынын атап өтті.

Іс-шараның келесі бөлігінде "Экономикалық зерттеулер институты" АҚ Орнықты даму мақсаттары жөніндегі Хатшылығының директоры Бақытгүл Хамбар ЕҰШ-2025 жобасының презентациясын ұсынды.

ҚР Стратегиялық жоспарлау және реформалар агенттігінің Ұлттық статистика бюросы Халықаралық ынтымақтастық және орнықты даму департаментінің Директоры Айнұр Досанова қатысушыларды Нью-Йорктегі жоғары деңгейдегі Саяси форумда ұсынылатын ұлттық индикаторлардың ілгерілеуін таныстыру бойынша алдағы жұмыстармен таныстырды.

Интерактивтік талқылау барысында "Ешкімді артта қалдырмау" қағидатына ерекше назар аударылды, бұл ретте, қатысушылар Қазақстан үшін орнықты дамудың басым мақсаттарын талқылады. Нәтижесінде құжатты одан әрі жетілдіру бойынша ұсыныстар мен ұсынымдар әзірленді.

«ОДМ-ын тиімді енгізу мемлекет, бизнес және қоғамның бірлескен жұмысы кезінде ғана мүмкін болады. Диалог және үйлестіру - табысты шешімдердің кілті», – деп атап өтті ол.

Әсел Сәрсенбаева үшінші шолуды дайындау үшін ұсынылған бастамалардың құндылығын атап өтті.

«Қазақстанның орнықты дамудағы жетістіктері мен сын-қатерлерін объективті түрде көрсетуі тиіс ЕҰШ-2025 шолуы Сіздің ұсыныстарыңызға негізделетін болады. Барлық мүдделі тараптардың өзара әрекеттесуін жалғастыру маңызды», – деп атап өтті ол.

Қатысушылар ЕҰШ-2025 сапалы дайындау үшін одан әрі ынтымақтастыққа дайын екендіктерін растады.