Елдің батыс өңірлерінің дамуына жаңа серпін

Құжаттың қабылдануы қолданыстағы инфрақұрылымдық мәселелерді шешу, өнеркәсіптік және ауылшаруашылық секторларын қолдау, сондай-ақ осы стратегиялық маңызды аймақтардағы халықтың өмір сүру деңгейін арттыру қажеттілігінен туындайды.

Осылайша, Батыс аймақтар Орталық Азия, Еуропа және Ресей арасындағы транзиттік ағындарды қамтамасыз ете отырып, елдің логистикалық жүйесінде маңызды рөл атқарады. Алайда қолданыстағы көлік желісіне жоғары жүктеме жедел жаңарту шешімдерін қажет етеді.

Осы саладағы негізгі жоба, мысалы, "Самара-Шымкент" автожолын "Ақтөбе-Мәртөк" автожолымен жалғайтын автожол учаскесін салу (Ақтөбенің Батыс айналма жолы) болып табылады. Оны іске асыру транзиттік ағындарды түсіруге, жол жүру уақытын қысқартуға және өңірдің көліктік қолжетімділігін арттыруға мүмкіндік береді. Орал мен Бөрлі ауданындағы теміржол вокзалдарына күрделі жөндеу жүргізу халыққа көліктік қызмет көрсету сапасын және бизнестің логистикалық мүмкіндіктерін арттырады.

Батыс өңірі – мұнай-газ өнеркәсібінің орталығы, алайда өндірілетін шикізатты шектеулі өңдеу және экспортқа тәуелділік мәселелердің бірі болып қала береді. Жаңа жоспарда экономиканы әртараптандыруды және қайта өңдеу қуаттарын дамытуды көздейтін іс-шаралар қаланды.

Ауыл шаруашылығы өнімдерін қайта өңдеуді дамыту, оның ішінде көкөніс қоймаларын, ет сақтау қуаттарын, құс фабрикалары мен АӨК өнімдерін терең өңдеу кәсіпорындарын салу импортқа тәуелділікті азайтып қана қоймай, қосылған құны жоғары өнім экспортын ұлғайтуға мүмкіндік береді.

Өңірлік дамудың басты міндеттерінің бірі – халықтың өмір сүру сапасын арттыру. Қолжетімді баспана тапшылығы, мектептер мен медициналық мекемелердің жеткіліксіздігі – батыс облыстарының негізгі мәселелері. Бұл бағытта бекітілген Жоспармен жалдамалы тұрғын үй секторын дамыту көзделген, бұл халықтың әлеуметтік осал санаттарын тұрғын үймен қамтамасыз етуге, жаңа мектептер мен ауруханалар салуға мүмкіндік береді, бұл оқу және медициналық мекемелердің жетіспеушілігін қысқартады, білім беру мен денсаулық сақтау сапасын жақсартады, Ақтаудағы жылумен жабдықтау жүйесін дамытады.

Осы шараларды іске асыру нәтижесінде демографиялық ахуал жақсарады, әлеуметтік теңсіздік деңгейі төмендейді және базалық қызметтердің қолжетімділігі артады деп күтілуде.

Бұл өз кезегінде өңірдің инвестициялық тартымдылығын арттырады және шикізаттық емес секторларда жаңа жұмыс орындарын ашады.

Өнеркәсіптік объектілердің жоғары шоғырлануына және ауыз су тапшылығына байланысты батыс өңірлерде экологиялық жағдай күрделі болып қала береді. Осы сын-қатерлерге жауап ретінде келесі қадамдар көзделген: Кендерліде тұщыландыру зауытын салу (жағалау аудандарын сумен жабдықтауды жақсартады және импортталатын суға тәуелділікті азайтады), қалдықтарды қайта өңдеу жүйелерін жаңғырту және жаңа ҚТҚ полигондарын салу (көму көлемін қысқартады және экологиялық жағдайды жақсартады), Жайық өзенінде жағалауды нығайту жұмыстары (су тасқыны қаупін азайтуға және су ресурстарын сақтауға мүмкіндік береді). Аталған шараларды іске асыру өңірдің экологиялық тұрақтылығын қамтамасыз етуге және халықтың өмір сүру сапасын жақсартуға мүмкіндік береді.

Жалпы алғанда, Ақтөбе, Атырау, Маңғыстау және Батыс Қазақстан облыстарын әлеуметтік-экономикалық дамытудың 2025-2027 жылдарға арналған шұғыл шаралар жоспары өнеркәсіптік әлеуетті дамытуға, инфрақұрылымдық шектеулерді жоюға және өмір сүру сапасын арттыруға бағытталған.

Республикалық және жергілікті бюджеттердің қаражатын, сондай-ақ жеке инвестицияларды қоса алғанда, қаржыландырудың жалпы көлемі 1,1 трлн теңгеден асады деп жоспарлануда.