«Рейтинг көрсеткіштері не туралы айтады?» айдары

Азия-Тынық мұхиты өңірі елдерінің ішінде Қазақстан 39 елдің ішінен 12-орында тұр. Бұл ретте, елдің мәні орташа әлемдік (59,7 балл) және өңірлік (58,3 балл) мәндерден жоғары бағаланады.

Қазақстан Әзірбайжан (75 орын), Венгрия (79 орын), Италия (81 орын), Греция (83 орын), Өзбекстан (100 орын), Түркия (114 орын), Ресей (135 орын), Қытай (151 орын) сияқты елдерден озып тұр.

Елдің позициясының нашарлауы рейтингтің кейбір компоненттері бойынша нәтижелердің төмендеуімен байланысты, бұл ретте, алты компонент бойынша жақсару байқалады.

Қазақстанда түрлі тарифтік емес шаралар қолданылады, ал орташа өлшенген тарифтік мөлшерлеме 5,9% құрайды, бұл ұлттық нарықты тарифтік қорғаудың салыстырмалы түрде қалыпты деңгейін көрсетеді.

Сонымен қатар, Қазақстанның монетарлық еркіндігінің көрсеткіші әлемдік орташа көрсеткіштен төмен екенін атап өту қажет (67,6 балл).

"Бизнес еркіндігі" компоненті бойынша мәнінің нашарлауына қарамастан (-0,4 балл), елдегі бизнес еркіндігінің көрсеткіші әлемдік орташа көрсеткіштен жоғары (63,4 балл).

"Сот жүйесінің тиімділігі" және "Үкіметтің тұтастығы" компоненттері бойынша елдің нәтижелері 50 балдан төмен екенін атап өткен жөн. Бұл компоненттер барлық азаматтардың құқықтарын қорғау және сыбайлас жемқорлық мәселелерін көрсетеді.

Қазақстанның экономикалық еркіндік индексіндегі орындары

Рейтингте Сингапур (84,1 балл), Швейцария (83,7 балл), Ирландия (83,1 балл), Тайвань (79,7 балл) және Люксембург (79,5 балл) көш бастап тұр. Рейтинг соңында Солтүстік Корея (3,0 балл), Куба (25,4 балл), Венесуэла (27,6 балл), Зимбабве (35,1 балл) және Судан (35,3 балл) тұр.

Экономикалық еркіндіктің орташа жаһандық көрсеткіші 58,6 балдан (соңғы екі онжылдықтағы ең төменгі көрсеткіш) 59,7 балға дейін өсті.

Жаһандық ауқымда қаржылық тұрақтылық едәуір нашарлады. Көптеген елдерде артып келе жатқан тапшылықтар мен мемлекеттік қарыз өнімділіктің жалпы өсуіне нұқсан келтірді және сайып келгенде экономикалық өсудің баяулауына әкелуі мүмкін.