Петропавлда Орнықты даму мақсаттарын жергілікті деңгейде жүзеге асыру және үшінші Ерікті ұлттық шолуды дайындау бойынша екі күндік семинарлар өтті

Ұйымдастырушылар Қазақстан Республикасының Ұлттық экономика министрлігі (ҚР ҰЭМ), "Экономикалық зерттеулер институты" АҚ (Институт), БҰҰ Даму бағдарламасы және жергілікті атқарушы орган болды.

Семинарларға жергілікті атқарушы және өкілді органдардың, бизнес-қоғамдастықтың, азаматтық қоғамның және академиялық ортаның өкілдері қатысты. Қазақстанның ОДМ-на қол жеткізудегі ілгерілеуін, сондай-ақ жаһандық мақсаттарды ұлттық және өңірлік саясатқа енгізуді талқылау кездесулердің негізгі мақсаты болды.

Қатысушылар алдында Куанышбек Калижанов, Солтүстік Қазақстан облысы әкімдігінің Экономика басқармасының басшысы, сондай-ақ Куаныш Садыков, ҚР ҰЭМ Әлеуметтік саланы, құқық қорғау және арнайы органдарды дамыту департаменті ОДМ үйлестіру басқармасының бас сарапшысы, сөз сөйледі. Олар өңірлердің орнықты даму саясатын іске асыруға белсенді қатысуының маңыздылығын атап өтті және мұндай диалог алаңдары ОДМ тиімді енгізуге ықпал ететініне сенім білдірді.

Интерактивті сессиялар барысында қатысушылар әр мақсатты іске асыру үшін әртүрлі органдардың жауапкершілігін арттыратын жұмыс топтарын құрудың маңыздылығын, сондай-ақ олардың хабардар болу деңгейін атап өтті. Сонымен қатар, олар аймақтық ерекшеліктерді ескере отырып, ОДМ жекелеген индикаторларын бейімдеу ерекшеліктерін талқылады.

Екінші күні қатысушылардың назары Қазақстан БҰҰ-ға 2025 жылы ұсынатын үшінші Ерікті ұлттық шолу жобасын талқылауға бағытталды. Нуртуган Уралбаев орнықты дамудың негізгі бағыттары бойынша Қазақстанның ағымдағы сын-қатерлері мен жетістіктеріне талдау жасады.

Сонымен қатар, Есжанова Асель Тлеубайевна, "Атамекен" ҰКП жанындағы Солтүстік Қазақстан облысы бойынша Іскер әйелдер кеңесінің төрағасы, гендерлік теңдікке, атап айтқанда, Қазақстанда ОДМ-на қол жеткізудегі әйел кәсіпкерлердің рөліне қатысты презентация жасады.

Қорытынды кезең онлайн-сауалнама жүргізу болды, оның нәтижелері өңірлік деңгейде ОДМ-ын жергілікті деңгейде жүзеге асыру бойынша ұсынымдарды қалыптастыруға көмектеседі.

Бұл семинар еліміздің орнықты даму үдерісіндегі маңызды қадам болды, ал әзірленген бастамалар мен ұсынымдар Қазақстанның халықаралық кеңістіктегі стратегиялық міндеттерін іске асыруға үлес қосады.