Ұлттық байланыс орталығының (бұдан әрі – ҰБО) Хатшылығы OECD Watch-пен бірлесіп семинарға қатысты, онда Ұлттық байланыс орталықтарының (ҰБО) тиімділігін кешенді бағалау нәтижелері ұсынылды. Сарапшылар мен мүдделі тараптар ЭЫДҰ-ның бизнесті жауапты жүргізу жөніндегі Басшылық қағидаттары шеңберінде ҰБО жұмысын жақсарту жөніндегі негізгі тұжырымдарды, үрдістер мен ұсынымдарды талқылады. Зерттеу нәтижелерінің ҰБО рөлін нығайту бойынша ЭЫДҰ күш-жігерімен қалай салыстырылатынына ерекше назар аударылды.
Соңғы бағалаулар жекелеген ҰБО-ның да, тұтастай алғанда жүйенің де жұмысын арттыруға бағытталған 38 негізгі тиімділік көрсеткішін қамтыды. 2024 жылы орталықтардың 42%-ы шағымдарды қарау рәсімдерін жаңартты, ал жарияланған жеті есептің 95%-ы толық немесе ішінара енгізілді. Жақын арада ҰБО тиімділігін арттыруға және олқылықтарды жоюға бағытталған 2025-2027 жылдарға арналған жаңа Іс-қимыл жоспарын қабылдау күтілуде.
Мүдделі тараптардың қатысуы артып келеді: ҰБО-ның 83%-ы оларды өздерінің институционалдық құрылымына қосады, бірақ небәрі 14%-ы бір уақытта консультативтік және басқарушы органдарға қатысады. Бизнес кәсіподақтар мен азаматтық қоғамнан озып, ең көп ұсынылған сектор болып қала береді. 2024 жылы ҰБО 32 елге қатысты істерді қарады, олардың 37%-ы Басшылық қағидаттарға қосылмаған мемлекеттердегі бұзушылықтарға қатысты болды.
ҰБО ашықтық, қолжетімділік және есеп беру сияқты негізгі критерийлер бойынша артта қалуды жалғастыруда. Негізгі құжаттарды жариялайтын және шағымдардың дерекқорларын қолдайтын орталықтар санының өсуіне қарамастан, 43% екі тараптың толық ақпаратқа қол жеткізуіне кепілдік бермейді, небәрі 27% өтініш берушілерге шағым мәтінін көпшілік алдында бөлісуге мүмкіндік береді. Тек 31 ҰБО шағымдардың жарамдылық критерийлерін нақты бекітті, ал 16-сы олардың қолданылуы туралы ашық ақпарат бермейді.
Вебинар барысында қорытындылар шығарылып, ҰБО жұмысын жетілдіру және бағалаудың жаңа құралын пайдалану жөніндегі одан арғы қадамдар мәселелері талқыланды.
