Экономикалық зерттеулер институты 1 сәуірде Солтүстік Қазақстан, Ақмола, Павлодар және Қостанай облыстарының облыстық экономика басқармалары мен аудандық экономика бөлімдерінің қызметкерлеріне елді мекендердің Өңірлік стандарттары жүйесін (бұдан әрі – ӨСЖ) мониторингтеу мәселелері бойынша онлайн семинар өткізді.
ӨСЖ елді мекендердің типіне (қала,
ауыл) және мөлшеріне (халық саны) байланысты объектілер мен көрсетілетін
қызметтердің (игіліктердің) халыққа қолжетімділігінің ең төмен міндетті
деңгейін қамтамасыз етуді көздейді.
ӨСЖ тыныс-тіршіліктің әлеуметтік,
инженерлік-көліктік, экологиялық және тұрмыстық салаларындағы (білім беру,
денсаулық сақтау, әлеуметтік қамсыздандыру, мәдениет және спорт, бос уақыт және
демалыс, көлік, жол және инженерлік инфрақұрылым, қоршаған ортаның қауіпсіздігі
мен қорғалуын қамтамасыз ету, инфокоммуникация, тұрмыстық қызмет көрсету және
қызмет көрсету инфрақұрылымы) 12 бағыт бойынша объектілермен және қызметтермен
қамтамасыз етілуін анықтауға мүмкіндік береді.
Қазіргі уақытта өңірлердің
инфрақұрылымын қаржыландыру ӨСЖ сәйкес объектілермен және көрсетілетін
қызметтермен (игіліктермен) қамтамасыз ету көрсеткіштеріне байланыстыру жолымен
жүзеге асырылатынын атап өту маңызды.
Онлайн семинар барысында қатысушыларға
ӨСЖ сәйкес объектілермен және қызметтермен қамтамасыз етуді есептеу әдістемесі
түсіндірілді, көрсеткіштер талқыланды, сондай-ақ ӨСЖ мониторингтеуді
автоматтандыру бойынша пилоттық жоба көрсетілді.
