Моноқалалар: Шахтинск
10.04.2025
Негізі 1961 жылы қаланған Шахтинск қаласы - Қарағанды облысының негізгі өнеркәсіп орталықтарының бірі. Оның пайда болуы Тентек кен орнының бай кокстелетін көмір кен орындарын игерумен тығыз байланысты, бұл қаланың көмір өндіру бейінін алдын ала анықтады. Қала құрамына 3 кент - Шахан, Долинка және Новодолинский кіреді.
Қала Қарағанды қаласының облыс орталығынан оңтүстік-батысқа қарай 45 км қашықтықта және республика елордасы - Астана қаласынан 237 км қашықтықта орналасқан. Шахтинск қаласының геоэкономикалық жағдайы ыңғайлы және Қарағанды агломерациясының құрамына кіреді, онда Теміртау және Абай сияқты моноқалалар да шоғырланған. Қаланың
өнеркәсіптік әлеуетінің негізін тау-кен
өндіру және өңдеу салалары құрайды. "Qarmet" АҚ құрамына кіретін
"Шахтинск", "Қазақстан", "Тентек" және
"Ленин атындағы" шахталары - ірі көмір өндіруші
кәсіпорындар. 2025
жылғы 1 ақпандағы жағдай бойынша моноқаланың халық саны 57 579 адамды құрады. 2020
жылдан 2025 жылға дейін халық саны 1,04%-ға өсті. Жалпы өсімге
қарамастан, көші-қон сальдосы теріс болып қала береді және 2025 жылы соңғы бес
жылдағы ең жоғары көрсеткішке (-)506 адамға жетті.
Негізгі капиталға
салынған инвестициялар 2020 жылдан 2024 жылға дейінгі кезеңде 6,4 есеге
ұлғайып, 2020 жылғы 21 019,6 млн. теңгемен салыстырғанда, 134 806,5 млн.
теңгеге жетті. Қалада "Тентек"
шахтасында жаңа торлы оқпан (ЖТО) салу бойынша инвестициялық жоба іске асырылады. Шахта оқпанын 830 метрге дейін бұрғылауды көздейтін
құрылыстың бірінші кезеңі 2020 жылғы 1 желтоқсанда аяқталды. Қазіргі уақытта
екінші кезең жалғасып келеді, ал жаңа оқпанды пайдалануға беру 2026 жылдың
бірінші тоқсанына жоспарланды.
ШОК субъектілерінің
саны 2020 жылы 2 349 бірліктен 2024 жылы 2 774 бірлікке дейін өсті. 2024 жылдың III
тоқсанында Шахтинск қаласы бойынша орташа айлық жалақы деңгейі 485 949 теңгені
құрады, бұл орташа облыстық көрсеткіштен - 374 937 теңгеден едәуір асып түседі.
Сонымен қатар, халықтың табысы бөлігіндегі оң үрдістерге қарамастан, тіркелген
жұмыссыздық деңгейінің үрейлі өсімі байқалды.
2022 жылы жұмыссыздар саны ресми түрде небәрі 39 адам болса, 2024 жылға
қарай бұл көрсеткіш 362 адамға дейін өсті. Қалада тұрақты
экономикалық даму үшін барлық қажетті жағдайлар – жалақының бәсекеге қабілетті
деңгейі, білікті еңбек ресурстары бар. Ағымдағы кезеңде негізгі даму бағыты - халықты
экономикаға тиімді тарту және жұмыссыздық деңгейін төмендету үшін жаңа жұмыс
орындарын құру. 2025-2026 жылдары ПВХ-үлдір
өндіру бойынша инвестициялық жобаны іске асыру жоспарланды. Бұған қоса, қалада
өнеркәсіптік алаң үшін перспективалы аумақ, сондай-ақ қызметін қалпына келтіру
экономикаға қосымша серпін бере алатын түйіршікті синтетикалық жуғыш заттарды
шығаратын тоқтап тұрған зауыт та бар. ӨЗӨСО жетекші сарапшысы Әйгерім Аманжолова
Қарау саны: 91 |
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
