Тұрғын үй нарығының 2025 жылғы наурыздағы жай-күйі туралы

2025 жылғы наурыздың қорытындысы бойынша Қазақстандағы жаңа тұрғын үйдің орташа бағасы өткен жылғы наурызбен салыстырғанда 5,9%-ға өсіп, 1 ш.м. үшін 508 107 ₸ құрады. Бағаның ең жоғары жылдық өсуі Павлодар (+18%) мен Көкшетауда (+15%) тіркелді, ал Алматы және Астана сияқты ірі қалаларда динамика қалыпты болып қалды — тиісінше 5,9% және 5,4%.

Бұл ретте, айлық мәнде (2025 жылғы наурыздан 2025 жылғы ақпанға дейін) жаңа тұрғын үй бағасы 0,6%-ға өсті, бұл қысқы кезеңнен кейін іскерлік белсенділіктің біртіндеп қалпына келуін көрсетуі мүмкін. Күрт секірусіз қалыпты өсу, әсіресе баға базасы төмен өңірлік орталықтарда, ұстамды, бірақ тұрақты сұранысты көрсетеді.

2025 жылғы наурызда Қазақстандағы қайталама тұрғын үй нарығында орташа баға 1 ш.м. үшін 539 328 ₸ құрады, бұл өткен жылғы наурызға қарағанда 6,7%-ға жоғары. Өсім көшбасшылары Атырау (+15,8%), Павлодар (+12,9%) және Ақтөбе (+12,7%) болды, ал Өскемен, Қарағанды және Шымкент қалаларында тиісінше 4,4%, 1% және 0,8%-ға төмендегені байқалды.

Өткен аймен салыстырғанда, 2025 жылғы наурызда пәтерлерді қайта сату бағасы 1,4%-ға өсті, бұл жаңа ғимараттар бойынша айлық өсімнен жоғары. Бұл қолжетімді тұрғын үйге деген қызығушылықтың артуын көрсетуі мүмкін.

2025 жылғы наурызда Қазақстанда абаттандырылған тұрғын үйді жалдаудың орташа құны 11,6% жылдық өсімді көрсетіп, 1 ш.м. үшін 4 515 ₸ құрады. Астанада (+25,4%), Талдықорғанда (+23,8%) және Семейде (+22%) айтарлықтай қымбаттау тіркелді. Мұндай динамика жоғары көші-қон белсенділігіне, сондай-ақ осы қалаларда қолжетімді жалға берілетін тұрғын үйлердің шектеулі ұсынысына байланысты болуы мүмкін. Бұл ретте, Ақтау және Қызылорда сияқты бірқатар өңірлерде бағаның өсуі ең аз немесе мүлдем нөлге жақын болды. Айлық мәнде жалдау мөлшерлемелері жылдық перспективада өскеніне қарамастан 1%-ға қысқарды.

2025 жылғы наурызда Қазақстанда 27 739 тұрғын үй сатып алу-сату мәмілесі тіркелді, бұл 2025 жылғы ақпанмен салыстырғанда 4,4%-ға аз (29 022 мәміле). Айлық көрсеткіштің төмендеуіне қарамастан, нарық жылдық бөліністе 5,1%-ға өсті (2024 жылғы наурызда 26 389 мәміле тіркелді). Бұл ағымдағы айдың қарқынына қарамастан, өткен жылмен салыстырғанда тұрғын үйге сұраныстың біршама жанданғанын көрсетеді. 

Операциялар саны бойынша Астана (5 652 мәміле, 20,4%), Алматы (5 069, 18,3%) және Қарағанды облысы (2 130, 7,7%) көшбасшы болып қалды. Мәмілелердің ең аз саны

Ұлытау облысында (небәрі 357 немесе жалпы санынан 1,3%) тіркелді.

Айлық мәнде белсенділіктің едәуір төмендеуі Жамбыл (-23,3%), Батыс Қазақстан (-18,4%) және Маңғыстау облыстарында (-18,1%) байқалды, ал мәмілелер санының өсуі Шығыс Қазақстан (+16,8%), Алматы (+11,4%) және Атырау облыстарында (+11,3%) тіркелді.

Мәмілелердің жалпы санынан 78,7% (21 842) 2 бөлмелі пәтерлерге ең үлкен сұраныс болған көппәтерлі үйлердегі пәтерлерге түсті – олар бойынша 8 211 мәміле жасалды.

1-кесте. 2025 жылғы наурыздағы тұрғын үй нарығындағы баға индекстері мен бағалары

Дереккөз: Қазақстан Республикасы Стратегиялық жоспарлау және реформалар агенттігінің Ұлттық статистика бюросы. Қазақстан Республикасындағы тұрғын үй нарығындағы бағалар мен бағалар индекстері (2025 жылғы наурыз)

2025 жылғы ақпанда тұрғын үй сатып алуға және салуға берілген ұзақ мерзімді кредиттердің көлемі 157 млрд теңгені құрады, бұл 2024 жылғы ақпанмен (172 млрд теңге) салыстырғанда, 8,7%-ға аз және өткен аймен бірдей деңгейде. 2024 жылғы ақпанға қатысты (15 млрд теңгеге) шамалы төмендеуіне қарамастан, ағымдағы көрсеткіш 2023 (93 млрд теңге) және 2022 (142 млрд теңге) жылдардағы деректерден едәуір жоғары, бұл кезде кредиттеу нарығы жоғары түйінді мөлшерлеме мен экономикалық белгісіздік тарапынан қатты қысымға ұшырады.

Жалпы динамика (2022–2025):

• 2023 жыл бойы ипотека нарығы жылдың сәтсіз басталуынан кейін қалпына келуден өтті, қаңтарда небәрі 83 млрд тг— барлық бақылаулар үшін ең аз берілді.
• 2024 жыл тұрақты өсумен сипатталды, желтоқсанда шыңына жетті (284 млрд тг).
• 2025 жылы нарық төменгі базадан басталды және ақпан айындағы мәліметтерге сәйкес, бұрынғы өсу қарқыны әлі көрсетілмеді.

Дереккөз: Кредиттеу объектілері бөлінісінде банк секторының кредиттері [Электрондық ресурс] / Қазақстан Республикасының Ұлттық Банкі.