Ақтөбе облысы: Өңірлік стандарттар жүйесінің қамтамасыз етілу деңгейі

Қалалар бөлінісінде ӨСЖ қамтамасыз етілу деңгейі: Ақтөбе қаласында – 90,9%, Алға қаласында – 85,7%, Хромтау қаласында – 86,1%, Ембі қаласында – 83,5%, Шалқар қаласында – 82,4%, Темір қаласында – 82,8%, Қандыағаш қаласында – 81,2 %.

Облыстық маңызы бар Ақтөбе қаласында білім беру саласындағы қамтамасыз ету 98,4% құрайды. Қалада 89 мемлекеттік жалпы білім беретін мектеп жұмыс істейді, оның 6-ы күрделі жөндеуді қажет етеді, 1-і апатты жағдайда; бұл ретте, тағы 15 мектеп салу қажеттілігі бар. Мектепке дейінгі ұйымдардың жалпы саны – 153, оның 3-і күрделі жөндеуді қажет етеді. Қосымша білім беру ұйымдары - 84, оның 2-і жөндеуді талап етеді; сонымен қатар, қалада 70 жеке мекеме жұмыс істейді. Техникалық және кәсіптік, орта білімнен кейінгі білім беру ұйымдары (ТжКБ) – 28, оның біреуі жөндеуді талап етеді; бұдан басқа, 15 жеке ТжКБ бар.

Ақтөбе қаласының денсаулық сақтау саласындағы қамтамасыз етілуі 99,4% құрайды. Қалада 186 медициналық мекеме бар, барлығы Интернет желісіне қосылған; алайда, кадрлар тапшылығы бар. Облыстық маңызы бар қаладағы әлеуметтік сала да қамтамасыз етудің жоғары көрсеткіштерін көрсетеді: әлеуметтік қамсыздандыру - 93,2%, мәдениет және спорт - 89,8%, бос уақыт пен демалыс - 100%, көлік инфрақұрылымы - 97,9%.

Ақтөбе қаласының "Инженерлік инфрақұрылым" саласындағы қамтамасыз ету 60,8% құрайды. Орталықтандырылған сумен жабдықтау небәрі 20,3% қамтиды; су құбыры желілерінің тозу дәрежесі 54,3% құрайды. Желілердің жалпы ұзындығы — 543 км, оның ішінде 294,6 км ауыстыруға мұқтаж. Су бұру жүйесі бойынша қамтамасыз ету деңгейі 37,4% құрайды; бұл ретте, 2204 км кәріз желілерінен 819 км ауыстыруды қажет етеді. Кәріз-тазарту құрылысының тозу дәрежесі 80% құрайды. Ақтөбе қаласын жылумен жабдықтау саласында ӨСЖ бойынша қамтамасыз ету деңгейі 17,9% құрайды, 260,6 км желінен 150,1 км ауыстыру қажет, олардың тозу дәрежесі - 57,6%. Газбен жабдықтау бойынша қамтамасыз ету 94,1% құрайды.

Қауіпсіздікті және қоршаған ортаны қорғауды қамтамасыз ету саласында Ақтөбе қаласының қамтамасыз етілу деңгейі 85,2% құрайды. Алайда, қамтамасыз етудің жоғары деңгейіне қарамастан, учаскелік полиция пункттері бойынша кадрлар тапшылығы 33% құрайды.

Сонымен қатар, өртке қарсы қызметтің 4 бөлімшесін салу қажеттілігі бар. Қолданыстағы 8 нысанның 5 і мемлекеттік стандарттарға сәйкес келмейді.

Инфокоммуникациялық инфрақұрылым бойынша Ақтөбе қаласы бойынша қамтамасыз ету деңгейі 94% құрайды.

Ақтөбе облысында 15 аудан орталығы мен аудандық маңызы бар қала бар. Осы елді мекендерде ӨСЖ қамтамасыз етілуінің орташа деңгейі 84,2% құрады.

Білім беру саласында қамтылу 92,6%-ға, денсаулық сақтау саласында 97%-ға жетті. Бұл ретте, жұмыс істеп тұрған 39 медициналық мекеменің 7-і жөндеуді қажет етеді, тағы 7-і материалдық-техникалық базамен жабдықтауды талап етеді.

Мәдениет және спорт саласындағы қамтамасыз ету деңгейі 94,4% құрады, бұл ретте, 3 жаңа нысан салу қажеттілігі сақталды. Көлік инфрақұрылымымен қамтамасыз ету 91,4% құрайды, алайда, қоғамдық көлікпен қамтамасыз ету әлі де төмен.

Инженерлік инфрақұрылыммен қамтамасыз ету 79,1%-ға жетті. Алайда, орталықтандырылған сумен қамтамасыз ету небәрі 53,7% құрайды. Су құбыры желілерінің жалпы ұзындығы 1 291,8 километрді құрайды, оның 340,7 километрі – 35,5% тозуына байланысты ауыстырылуға жатады.

Ақтөбе облысында 130 ауылдық округ орталығы мен тірек ауылдық елді мекен бар. Өңірлік стандарттар жүйесінің (ӨСЖ) қамтамасыз етілуінің орташа деңгейі бұнда 82,3% құрайды.

Білім беру саласындағы қамтамасыз ету деңгейі 91,7%-ға жетеді. Өңірде 133 мектеп жұмыс істейді, бұл ретте, кадрлардың орташа тапшылығы 7,4% құрайды.

Көлік инфрақұрылымымен қамтамасыз ету 71,9 %, ал елді мекендер ішіндегі жолдармен қамтамасыз ету 55,7% құрайды. Осы елді мекендерде орналасқан 1 108,9 км автожолдың 700 км қанағаттанарлықсыз жағдайда. Қосымша 1 475,3 км жаңа жол салу талап етіледі.