Моноқалалар: Жітіқара

Негізгі мамандандыру — құрамында алтыны бар асбест, кен өндіру және "Доре" қорытпасын өндіру.

Қала құраушы кәсіпорындар - "Қостанай минералдары" АҚ және "Комаров тау-кен кәсіпорны" ЖШС.

2025 жылғы 1 сәуірдегі жағдай бойынша халық саны - 34 682 адам. Экономикалық белсенді халық – 19 505 адам (2025 жылғы I тоқсан), жұмыссыздық деңгейі – 4,5% (418 адам). 2025 жылғы орташа айлық номиналды жалақы – 355 550 теңге.

Соңғы бес жылдағы өнеркәсіптік өндіріс тұрақты өсумен сипатталады. 2025 жылдың I тоқсанында НКИ 119,7% құрады, шығарылатын өнім көлемі - 25 994,5 млн. теңге (2024 жылғы қаңтар-наурызда - 18 859,4 млн. теңге).

2025 жылғы 1 сәуірдегі жағдай бойынша жұмыс істеп тұрған шағын және орта кәсіпкерлік субъектілерінің саны 1 935 бірлікті құрады, бұл 2024 жылғы ұқсас кезең деңгейінен 2,4% төмен.

Қалада бір зәкірлік жоба — "Доре" қорытпасын өндірумен 450 мың тоннаға дейін кенді тәжірибелік-өнеркәсіптік өндіру және қайта өңдеу жүзеге асырылды («Брендт» ЖШС). Жоба тұрақты режимде жұмыс істейді.

Бұл ретте, жақын арада шешілуі қажет мәселелер бар:

• инженерлік коммуникациялардың тозуының жоғары дәрежесі (су бұру желісінің тозуы – 78,9%, электр беру желілері – 72,9%, жылумен жабдықтау желілері – 68,5%);
• ТКШ саласындағы қолданыстағы жабдықты пайдаланудың шектеулі тиімділігі;
• қалалық жолдардың қанағаттанарлықсыз жағдайы;
• тұрғындар үшін жайлы демалыс орындарының болмауы;
• қазіргі заманғы сауда-ойын-сауық объектілерінің тапшылығы;
• бос көпқабатты үйлерді қалпына келтіру және шатырды жөндеу қажеттілігі;
• бұрынғы емхана мен аудандық аурухананың ғимаратын қайта құру қажеттілігі;
• көпсалалы аурухана салу қажеттілігі;
• білікті медициналық кадрлардың өткір тапшылығы.

Қаланың экономикалық дамуының басым бағыттарының бірі - пайдалы қазбалар кен орындарын игеру. Жітіқара кен ауданы бірегей геологиялық аумақ болып табылады, онда салыстырмалы түрде шағын аумақта жүзден астам кен орындары, соның ішінде алтын, никель-кобальт, титан, сирек жер металдары, асбест және басқа да стратегиялық маңызды ресурстар шоғырланған.

Қалада қалалық ортаны жақсарту және инвестициялар тарту бойынша іс-шаралар белсенді жүзеге асырылады, алайда, сақталып отырған жағдай инфрақұрылымды кешенді тәсілді және озық дамытуды күшейту қажеттігін негіздейді.

Жетекші сарапшы

Аманжолова Әйгерім