«Өңірлер: апта оқиғалары» (2025 жылғы 26 мамыр - 1 маусым)

Жетісу облысы. Құрылған сәттен бастап өңірде шамамен 1 млн ш.м. тұрғын үй пайдалануға берілді, бұл кезекте тұрған 5735 адамға қоныс тойын атап өтуге мүмкіндік берді. А.ж. тағы 2026 адамды тұрғын үймен қамтамасыз ету жоспарланды.

Үш жыл ішінде Талдықорған қаласында (3135 отбасы) және Панфилов ауданында (687) ең көп пәтер берілді. Жаңа қоныстанушылар қатарына 1400 көпбалалы отбасы, 265 жетім, әлеуметтік осал санаттағы 1643 адам кірді.

Құрылыс «Шанырақ», «Бақытты отбасы», «Жетісу жастары» және т.б. мемлекеттік бағдарламалары аясында, сондай-ақ демеушілер мен жеке құрылыс салушылар есебінен жүргізілді. Биыл 375 мың ш.м., оның ішінде 92,3 мың ш.м. бюджет есебінен, 54,4 мың ш.м. жеке инвесторлар есебінен тұрғын үй салу жоспарланды.

Облыста тұрғын үй кезегі 31 619 адамды құрайды, оның 15 мыңнан астамы Талдықорғанда тұрады. 202-2025 жж. облыс орталығында 5000 ға жуық кезекте тұрғандар тұрғын үймен қамтамасыз етіледі.

Тұрғын үй тек қалаларда ғана емес, ауылдық жерлерде де салынады, бұл ауылдардың дамуына және көші-қон ағынын азайтуға ықпал етеді.

Қарағанды облысы. Облысқа Еуроодақтың бірқатар елшіліктерінің өкілдері келді. Өңір әкімі Е.Булекпаевпен кездесуде экономикалық және гуманитарлық салалардағы ынтымақтастықты дамыту мүмкіндіктері талқыланды.

Қарағанды облысы - өзара тиімді іскерлік серіктестік үшін ашық үлкен мүмкіндіктер өңірі. Қазіргі уақытта облыс өңдеуші өнеркәсіп өнімдерін әлемнің 70 еліне экспорттайды. "Сарыарқа" АЭА-да Германия, Австрия, Қытай, Катар мен Канададан 25 компания табысты жұмыс істейді. Дамудың жаңа ірі нүктесі - Saran индустриялық аймағы.

Сондай-ақ, қонақтар табысты серіктестіктің мысалдарын келтіріп, ынтымақтастықтың жаңа көкжиектерін ашуға мүдделі екенін атап өтті.

Қостанай облысы. Арқалық қаласының әуежайын қалпына келтіру бойынша ауқымды бағдарлама басталды, ол көлік инфрақұрылымын жаңғырту жөніндегі кең бастаманың бір бөлігіне айналды, бұл өңір үшін елеулі өзгерістерге алып келеді. Жоба көлікке қолжетімділікті арттыру үшін де, инфрақұрылымды дамыту жөніндегі мемлекеттік саясат ахуалында да маңызды.

Әуе торабы жақын арада әуе рейстерін қайта қабылдайды. Облысқа келген ҚР Премьер-министрі О.Бектенов ағымдағы жылы әуежайды қалпына келтіру жұмыстарын аяқтауды тапсырды.

Жергілікті әуежайды қалпына келтіру қажеттілігі туралы қала тұрғындары да көптен бері айтып келеді.

Маңғыстау облысы. Алдағы жылыту маусымына дайындық үшін өңірде 25,8 млрд. теңге көлемінде қаржыландыру көзделген, бұл сома, өткен жылмен салыстырғанда, 13%-ға артық.

Атап айтқанда, "МАЭК" ЖШС негізгі энергетикалық кәсіпорнында маусымға дайындық аясында жөндеу жұмыстары жүргізіледі: ЖЭЦ-2 - 3 турбоагрегат және 1 қазандық, ЖЭС - 1 энергоблок. Бұдан басқа, облыс бойынша келесі инженерлік желілерді жөндеу жоспарланды: электр желілері - 495,4 км, жылу желілері - 20,2 км.

Бүгінгі таңда Ақтауда магистральдық және орамішілік жылу желілерін жаңғырту бойынша жұмыстар белсенді жүргізіліп жатыр. Жобаларды іске асыруға жергілікті бюджеттен 13,6 млрд. теңге бөлінді, сондай-ақ ҚР Үкіметінің резервінен 3,6 млрд. теңге бөлу жоспарланды. Жаңғырту жұмыстары жылыту маусымы басталғанға дейін аяқталады. Аталған жобаларды іске асыру нәтижесінде Ақтау қаласында жылу желілерінің тозуы 79%-дан 75%-ға дейін төмендетіледі.

Солтүстік Қазақстан облысы. Өңір туристік саланы белсенді дамытып жатыр, Петропавл барған сайын тарты бола бастады. Қалада негізгі көрікті жерлерді қамтитын 28 туристік бағыт әзірленді: Абылай Хан резиденциясы, Ботаникалық бақ, Конституцияның жаяу жүргіншілер көшесі, Қалыңдық үйі, Пестрое көлі, бейнелеу өнері мұражайы. Турларды туристік фирмалар да, аймақтық туристік қауымдастық та өткізеді.

Қала маңы да дамытылып жатыр: "Green Wood", "Қарағай орманы", "Қызылжар" демалыс базасы жұмыс істейді. Бұрынғы "Толқын" лагерінің аумағында 500 орынға арналған шипажай-курорт кешені құрылды, жыл бойы 12 барн-хаус, кафе, спорт алаңы мен сахна пайдалануға берілді. Мұнда пейнтбол-турнирлер өткізіледі, спорт жабдығын - шаңғы, ватрушкалар, велосипедтер, сапбордтар - жалға алуға болады.

Сондай-ақ, қалаға кіреберісте "Nomad Tourism" жаңа туристік базасының құрылысы жүргізіліп жатыр. Жоба сегіз A-frame үйін қамтиды, инвестиция 1 млрд. теңгені құрайды.

Инфрақұрылымды жүйелі дамыту аймақты ішкі туризм мен инвестициялар үшін тартымды етеді.

Алматы облысы. Облыс делегациясы Бейжің, Шанхай, Ханчжоу және Цзинанға барды. Бейжіңдегі халықаралық көрмеде өңірдегі 12 компания 150-ден астам өнім атауын ұсынды. Қазақстандық тауарлар қытайлық дистрибьюторлардың қызығушылығын тудырды. Сондай-ақ, композитор Н.Тілендиевтің 100 жылдығына арналған мәдени кеш өтті.

Инвестициялық ынтымақтастыққа үлкен көңіл бөлінді. ҚХР бизнес және мемлекеттік органдарының өкілдерімен, оның ішінде Бейжің ҚХСКК вице-президентімен және Шанхай мэрімен кездесулер өткізілді. АӨК, логистика, ЖЭК және цифрлық технологиялар саласындағы жобалар талқыланды.

YTO Express компаниясымен транзиттік бағыттарды дамыту туралы және Astronergy компаниясымен күн технологияларын оқшаулау туралы келіссөздер жүргізілді. Zhuhai China Technology, Wanjia Hotel Group және басқа компаниялармен меморандумдарға қол қойылды. Нақты бастамалардың қатарында - Көлсай көліндегі аспалы жол жобасы, сондай-ақ туризм, тамақ өнеркәсібі және IT саласындағы ынтымақтастық.

Бүгінде өңірде Қытайдың қатысуымен 143 кәсіпорын жұмыс істейді. ҚХР-мен тауар айналымы 2023 жылы 1,082 млрд долларды, 2024 жылы 1,023 млрд долларды құрады.

Шығыс Қазақстан облысы. Облыс әкімдігінде жолаушылар тасымалын субсидиялау мәселесі қаралды. Тасымалдаушылардың шығындарын субсидиялау есебінен халық үшін қолжетімді тариф деңгейі қамтамасыз етіледі. 2025 жылға арналған субсидиялау жоспарына автомобиль, теміржол және әуе тасымалдары енгізілген.

Өңірдің әлеуметтік маңызы бар қатынастарының маршруттық желісі 160 бағыттан тұрады, оның ішінде 157 автомобиль, екі теміржол, бір әуе бағыт.

90 қалалық бағыт субсидиялауға жатады (Өскемен - 63, Алтай - 11, Риддер - 15, Зайсан - 1). Бұдан басқа, 32 қалааралық және ауданаралық бағыт, сондай-ақ 35-ауданішілік бағыт субсидияланады.

Жыл соңына дейін тағы 35 автобус сатып алу жоспарланды. Осылайша, бүгінгі таңда Өскемен қаласында автобустардың тозу дәрежесі 60%-ға төмендеді, Риддерде жаңарту 100% құрады.

Ақтөбе облысы. 2025 жылдың басынан бері өңірде шағын және орта бизнестің 242 жобасы қолдау тапты. Бұл - өңірдің кәсіпкерлікті дамыту және жұмыс орындарын құру жөніндегі жүйелі жұмысының бір бөлігі.

2010 жылдан бастап "Бизнестің жол картасы" бағдарламасы бойынша 12 мыңнан астам жоба көмек көрсетті, бұл 11 мыңға жуық жұмыс орнын құруға, 3,5 трлн теңгеге өнім шығаруға және 2 млрд теңгеге бюджетті толықтыруға мүмкіндік берді. Жарқын мысал - "Автокомп" ЖШС есіктер мен терезелерді сырлау цехын 

Сондай-ақ әкімдіктің, "Даму" қорының және "Қазхром ТҰК" АҚ қатысуымен Хромтау моноқаласында ШОБ-ты қолдаудың өңірлік бағдарламасы іске асырылады.ашқан Әлия Иманғалиева. Бүгінгі таңда кәсіпорын орташа жалақысы 300 мың теңгені құрайтын 30 қызметкерді жұмыспен қамтамасыз етеді.

Қостанай облысы. Мұнда Қазақстанның ірі индустриялық жобаларының бірі - KІА автомобиль зауытының құрылысы жалғасып жатыр. Бұл - Оңтүстік Корея корпорациясының өз елінен тыс автоөндіріске салған алғашқы жеке капиталы.

Жоба 2023 жылғы қарашада басталды. Инвестициялар көлемі - 105 млрд. теңге, жоспарланған қуат - жылына 70 мың автомобильге дейін. 1,5 мың жаңа жұмыс орны ашылады деп күтіледі.

Нысанда өндірістік корпустың құрылысы аяқталды, Оңтүстік Корея мен Қытайдан жабдықтар монтаждалады (800-ден астам контейнер). Дәнекерлеу, бояу және құрастыру цехын іске қосуға дайындық жұмыстары жүргізіледі.

Пилоттық құрастыру 2025 жылғы шілдеде, сериялық өндіріс қазаннан бастап жоспарланды. Сарапшылардың бағалауы бойынша, жоба Қазақстанның индустриялық өсімінің нышанына айнала отырып, өңдеу өнеркәсібінде 46,5%-ға өсім береді.

Түркістан облысы. Ордабасы ауданы Боржар ауылында жылына 14 мың тонна ұн өнімін өндіретін кәсіпорынның құрылысы жүргізіледі. "Keruen Products" ЖШС өндірістік бірлестігі макарон өнімдері мен тез дайындалатын кеспенің 10 түрін шығарады, 120 адам жұмысқа орналасады. Жалпы ауданы 5,5 га болатын бұл өндірістік жоба іске қосылғаннан кейін жергілікті бюджет кірісінің көлемін ұлғайтады деп күтіледі.

Түркиядан келген фармацевтикалық алпауыт ORZAX Түркістан облысында биологиялық белсенді қоспалар (ББҚ) өндіретін зауыт салуға ниетті. Инвестициялар көлемі - 40 млн. долл.

Жоба "TURAN" АЭА аумағында іске асырылады, бұл инвесторға жеңілдікті салық және әкімшілік режимді пайдалануға мүмкіндік береді. Кәсіпорынды іске қосу қорытындысы бойынша жылына 35 млн ББҚ қаптамасын шығару және 500-ден астам жұмыс орнын құру жоспарланды.

Облыс әкімдігінде өткен кездесуде тараптар құрылыстың басталу мерзімдерін (2025 жыл) және зауыттың 2026 жылдың соңына дейін іске қосылуын талқылады. Әкімдік жобаны толық қолдауды қамтамасыз ететініне сендірді: инфрақұрылым, рұқсат құжаттамасы және инвесторды сүйемелдеу.

ORZAX - табиғи компоненттер негізінде 100-ден астам өнім түрін шығаратын Түркиядағы диеталық қоспалардың жетекші өндірушісі. Өнімдер дәрумендер, пробиотиктер, Омега-3, коллаген және өсімдік сығындыларын қосқанда 50-ден астам елге экспортталады.

Абай облысы. Өңірде бұқаралық спортты дамыту және салауатты өмір салтын насихаттау бойынша жүйелі жұмыс жалғасып жатыр. Өңірде 600-ден астам спорт нысаны, оның ішінде 25 спорт кешені, 12 бассейн, 75 хоккей корты, 488 алаң және 7 ипподром жұмыс істейді.

2026-2028 жж. Аягөздегі ДСК, Саржал мен Жаңғызтөбедегі спорт модульдері, Водный және Бобровка кенттеріндегі кешендер, Семей жаңа шағын ауданындағы ауқымды объектілерді қоса алғанда, ірі жобалар жоспарланды: теннис орталығы, мұз айдыны, стадион және 80 орынға арналған қонақ үймен спорт кешені.

Инфрақұрылымды дамыту барлық жастағы тұрғындарды спортқа тартуға және өңірде өмір сүру сапасын арттыруға мүмкіндік береді.