Абай облысы бюджетінің шығындары (бағыттар бойынша шығыстар) соңғы 2 жылда 2 есеге жуық өсті – 2022 жылғы 241,3 млрд теңгеден 2024 жылы 450,8 млрд теңгеге дейін.
Барлық
шығындар құрылымында білім беру шығындары
ең үлкен үлеске ие – 2022-2024 жылдар ішінде
орта есеппен 41,0%. Соңғы 2 жылда олар 1,5
есеге – 2022 жылғы 114,0 млрд теңгеден 2024
жылы 173,2 млрд теңгеге дейін ұлғайды.
Құрылғаннан
кейін ең көп қаржыландыруға жататын
шығындар көлемі бойынша келесі шығындар
бабы тұрғын үй-коммуналдық шаруашылық
болып табылады (2022-2024 жылдардағы барлық
шығындардың орта есеппен 17,3%). Тұрғын
үй-коммуналдық шаруашылық шығындары
2,5 есеге – 2022 жылғы 32,0 млрд теңгеден
2024 жылы 81,5 млрд теңгеге дейін ұлғайды.
Осы саланы қаржыландыру көлемінің
ұлғаюы халықтың негізгі коммуналдық
қызметтермен қамтамасыз етілу деңгейіне
оң әсерін тигізді. Атап айтқанда, 2024
жылдың соңына қарай орталық сумен
жабдықтауға қол жеткізу қалаларда 95,4%
және ауылдық жерлерде 94,9% жетті.
Қалған
бағыттар бойынша шығындар Абай облысы
бюджетінің барлық шығындарының 10%-тен
азын құрайды.
Сонымен
қатар, соңғы 2 жылда келесі бағыттар
бойынша шығындардың едәуір артуы
байқалады, бұл олардың Абай облысының
әлеуметтік-экономикалық дамуы үшін
маңыздылығы мен өзектілігін көрсетеді:
ауыл,
су, орман, балық шаруашылығы, ерекше
қорғалатын табиғи аумақтар, қоршаған
ортаны және жануарлар дүниесін қорғау,
жер қатынастары – 10,6 есе: 2022 жылғы 2,2
млрд теңгеден (барлық шығындардың 0,9%)
2024 жылы 23,2 млрд теңгеге дейін (барлық
шығындардың 5,2%);
өнеркәсіп,
сәулет, қала құрылысы және құрылыс
қызметі – 8,1 есе: 2022 жылғы 2,6 млрд теңгеден
(барлық шығындардың 1,1%) 2024 жылы 21,0 млрд
теңгеге дейін (барлық шығындардың
4,6%);
қорғаныс
– 6,6 есе: 2022 жылы 454,5 млн теңгеден (барлық
шығындардың 0,2%) 2024 жылы 3,0 млрд теңгеге
дейін (барлық шығындардың 0,7%).
