Бүгін «Экономикалық зерттеулер институты» АҚ өкілдерінің БҰҰ Даму Бағдарламасының (БҰҰДБ) өкілдерімен өңірлік даму және жергілікті өзін-өзі басқару саласындағы ынтымақтастықты одан әрі дамыту перспективаларын талқылауға арналған онлайн-кездесуі өтті.
Институт
тарапынан талқылауға Басқарма төрағасының
орынбасары Қайсар Нығметов, Тұрақты
даму мақсаттары жөніндегі Хатшылықтың
директоры Бақытгүл Хамбар, Сауда және
инвестициялық саясатты дамыту орталығының
директоры Бауыржан Тұрлыбеков және
басқа да сарапшылар қатысты.
Талқылаудың
негізгі тақырыптары фискалдық және
әкімшілік орталықсыздандыру «Халық
қатысатын бюджет» жобасын іске асыру
және өңірлердің қаржылық дербестігін
нығайтудағы жаңа бюджет кодексінің
рөлі секілді өңірлік даму саласындағы
іс-шаралар мен сын-қатерлер болды.
«Экономикалық
зерттеулер институты» АҚ мен БҰҰДБ
Тұрақты даму мақсаттарын ұлттандыруға
және оқшаулауға, сондай-ақ өңірлік
бастамаларды дамытуға бағытталған
жобалар шеңберінде белсенді және жемісті
ынтымақтастықты біріктіріп отыр. Кездесу
қорытындысы бойынша тараптар өңірлік
дамуды жетілдіретін жобаларды іске
асыру үшін күш біріктіруге дайын екенін
білдірді.
БҰҰ
Даму бағдарламасы – 170 ел мен аумақта
қызметін жүзеге асыратын БҰҰ-ның даму
саласындағы негізгі агенттік. Оның
негізгі мақсаты – БҰҰ-ға мүше елдерге
кедейлікті жоюға, теңсіздікті азайтуға
және тұрақты экономикалық өсу мен адам
әлеуетінің дамуын қамтамасыз етуге
бағытталған Тұрақты даму мақсаттарына
(ТДМ) қол жеткізуге көмектесу.
