2025 жылғы 26 тамызда Экономикалық зерттеулер институтында БҰҰ-ның Қазақстандағы жаңа Тұрақты Үйлестірушісі Саранго Раднарагчамен кездесу өтті.
Кездесуге
«Экономикалық зерттеулер институты»
АҚ (бұдан әрі – Институт) және Қазақстандағы
БҰҰ Тұрақты Үйлестірушісі Кеңсесінің
өкілдері қатысты.
Институт атынан
Басқарма төрағасы Әсел Сәрсенбаева,
Басқарма төрағасының орынбасары Ерділда
Таутенов, Тұрақты даму мақсаттары
жөніндегі Хатшылықтың директоры Бақытгүл
Хамбар және оның орынбасары қатысты.
Әсел
Сәрсенбаева Саранго Раднарагча ханымды
қызметке тағайындалуымен құттықтап,
Институт қызметінің негізгі бағыттарын
таныстырып, оның елдің әлеуметтік-экономикалық
дамуы үшін талдамалық базаны
қалыптастырудағы рөлін атап өтті. Ол
Институт Тұрақты даму мақсаттарына
(ТДМ), өңірлік дамуға және басқа да басым
бағыттарға қол жеткізуге бағытталған
бірлескен жобалар шеңберінде Қазақстандағы
БҰҰ агенттіктерімен белсенді
ынтымақтасатынын атап өтті.
Тұрақты
даму мақсаттары жөніндегі Хатшылықтың
директоры Бақытгүл Хамбар Қазақстанда
ТДМ-ды одан әрі оқшаулау мүмкіндіктері
туралы айтып, ұлттық индикаторларды
өңірлік деңгейге бейімдеудің маңызын
атап өтті. Негізгі міндеттердің ішінде
ТДМ бойынша прогресті мониторингтеу
және бағалау жүйесін дамыту, өңірлерді,
азаматтық қоғамды және жеке секторды
2030 жылға дейінгі Күн тәртібін іске
асыруға тарту атап өтілді. Сондай-ақ,
елдің тұрақты және инклюзивті өсуін
қамтамасыз ету үшін тұрақты даму
қағидаттарын мемлекеттік жоспарлау
жүйесіне интеграциялау қажеттігі
талқыланды.
Институт
БҰҰ агенттіктерімен ТДМ-ды ұлттандыруға
және оқшаулауға бағытталған тұрақты
және өнімді серіктестікті қолдайды.
Кездесу қорытындысы бойынша тараптар
Тұрақты даму мақсаттарына қол жеткізудің
тиімділігін арттыру үшін ынтымақтастықты
кеңейтуге және бірлескен жобаларды
іске асыруға мүдделі екенін растады.
