Алматы облысы бюджетінің шығындары (бағыттары бойынша шығыстар) 2022-2024 жылдар аралығында 18,2%-ға – 709,6 млрд теңгеден 838,9 млрд теңгеге дейін өсті.
Бюджет
шығындарының жартысына жуығы – 2022-2024
жылдары орта есеппен 49,8% – білім беруге
жұмсалады. Бұл салаға жұмсалған шығындар
1,4 есеге – 2022 жылғы 314,7 млрд теңгеден
2024 жылы 445,8 млрд теңгеге дейін ұлғайды.
Басым қаржыландыру білім беру саласын
жақсартуға ықпал етті – 2024 жылдың
қорытындысы бойынша 3 жастан 6 жасқа
дейінгі балаларды мектепке дейінгі
біліммен қамту деңгейі 94,9% құрады,
облыстың барлық мектептері 100% компьютерлік
техникамен жабдықталған.
Тұрғын
үй-коммуналдық шаруашылық – шығындардың
екінші бағыты. Ол барлық шығындардың
орта есеппен 10,1%-на ие. Тұрғын үй-коммуналдық
шаруашылық шығындары 77,1%-ға – 2022 жылғы
54,7 млрд теңгеден 2024 жылы 96,9 млрд теңгеге
дейін ұлғайды. Тұрғын үй-коммуналдық
шаруашылыққа басым қаражат бөлудің
арқасында халықтың базалық коммуналдық
қызметтерге қолжетімділігін жақсартуға
мүмкіндік туды. 2024 жылдың қорытындысы
бойынша орталықтандырылған сумен қамту
деңгейі: қалаларда 100%-ға, ауылдарда
99,4%-ға жетті. Газдандыру деңгейі 55,3%-ға
жетті, 157 елді мекен газдандырылды, 1
560,4 мың адамның 1 247,5 мың адамы немесе
79,9% қамтамасыз етілді.
Қалған
бағыттардың Алматы облысы бюджетінің
барлық шығындарының 10% - дан аз мөлшерінде
үлесі бар.
2022
жылдан 2024 жылға дейінгі кезеңде
шығындардың жекелеген түрлері бойынша
шығындар құрылымында айтарлықтай өсім
байқалады:
өнеркәсіп,
сәулет, қала құрылысы және құрылыс
қызметі – 3 есе: 2022 жылы 2,6 млрд теңгеден
(барлық шығындардың 0,4%) 2024 жылы 7,8 млрд
теңгеге дейін (барлық шығындардың
0,9%). Индустрияландыру картасы шеңберінде
2022-2024 жылдары 11 жоба іске асырылды,
сондай-ақ инженерлік инфрақұрылым
бойынша 33 жоба аяқталды, 286,3 км
инженерлік-коммуникациялық желілер
тартылды;
отын-энергетика
кешені және жер қойнауын пайдалану –
2,8 есе: 2022 жылғы 7,0 млрд теңгеден (барлық
шығындардың 1,0%) 2024 жылы 19,5 млрд теңгеге
дейін (барлық шығындардың 2,3%);
қорғаныс
– 2,2 есе: 2022 жылғы 1,9 млрд теңгеден
(барлық шығындардың 0,3%) 2024 жылы 4,0 млрд
теңгеге дейін (барлық шығындардың
0,5%).
Өнеркәсіпке,
энергетикаға және қорғанысқа салынатын
салымдардың едәуір өсуі Алматы облысының
инфрақұрылымын, ресурстық әлеуетін
дамытудың және қауіпсіздігін қамтамасыз
етудің басымдығын айғақтайды.
