2025 жылғы тамыздағы инфляция бойынша қысқаша анықтама

Елдегі тұтынушылық инфляция жеделдеп, жылдық мәнде 12,2% деңгейіне жетті. Ақылы қызметтер жыл ішінде 15,3%-ке артып, негізгі өсімді көрсетті.

2025 жылдың тамызында елдегі инфляция келесідей болды:

• өткен жылдың тамызына қатысты 12,2% (өткен айда 11,8%)

• ағымдағы жылдың шілдесіне қатысты 1,0% (өткен айда 0,7%)

Жылдық мәнде:

• азық-түлік бағасы 11,7%-ке (0,5%) өсті

• азық-түлік емес тауарлар бағасы 9,7%-ке (1,0%) өсті

• ақылы қызметтер бағасы 15,3%-ке (1,4%) қымбаттады

Инфляция динамикасына негізгі үлесті азық-түлік тауарлары қосып отыр – 39,7% (яғни, жалпы инфляцияның 12,2%-нен 4,85%-і азық-түлік тауарларына тиесілі). 2024 жылдың тамызында азық-түлік тауарларының үлесі жалпы инфляцияның 27,5%-ін құрады. Бұрын инфляцияға ақылы қызметтер үлкен үлес қосқан (2024 жылдың қаңтарынан 2025 жылдың маусымына дейін).

Азық-түлік емес тауарлардың үлесі 2024 жылғы тамыздағы 27,3%-тен 2025 жылғы тамыздағы 23,7%-ке дейін төмендеді.

г / г – өткен жылдың сәйкес айымен салыстырғанда ағымдағы ай бағасының өзгеруі – жылдық инфляция.

Азық-түлік тауарларының арасында ең жоғары қымбаттау келесі тауарлар бойынша байқалады:

• майлар мен тон майлар-20,5%

• ет және ет өнімдері – 16,2%

• жемістер мен көкөністер-13,5%

• алкогольсіз сусындар – 13,3%

• сүт өнімдері-8,6%

• қант – 4,9%

• нан-тоқаш өнімдері мен жарма – 4,1%

Бағаның төмендеуі мынадай тауарлар бойынша байқалады:

• күріш - 8,5%

• кептірілген өрік - 3,4%

• қарақұмық жармасы - 2,5%

Ақылы қызметтердің арасында мыналар бойынша бағаның жоғарылауы орын алды:

• суық су – 95,4%

• су бұру – 34,7%

• тарату желілері арқылы тасымалданатын газ – 28,4%

• газ-27,7%

• орталық жылыту-19,2%

• ыстық су 17,2%

• электр энергиясы-16,3%

• тұрғын үйді жалға алу – 12,9%

• тұрғын үйді күтіп-ұстау қызметтері үшін төлем-11,7%