Қазақстанның болашақ салық саясатының үш қағидасы

Президент Қасым-Жомарт Тоқаев 2025 жылғы 8 қыркүйектегі жолдауында «Мемлекеттік кірістер комитеті цифрландыру үдерісі бойынша мемлекеттік органдар арасында көш бастауға тиіс. Бұл мекеме жасанды интеллектінің және басқа да озық технологияның әлеуетін салық төлеушілердің мүддесіне сай тиімді қолдануы керек» деп атап өтті. Бұл декларациялардың алдын ала толтырылуын, автоматтандырылған бақылауды және жаңа деңгейдегі онлайн қызметтерді қамтамасыз ететін интеллектуалды басқару жүйелеріне көшуді білдіреді.

Мемлекет басшысы «мемлекет пен бизнестің арасындағы қарым-қатынастың мүлдем жаңа, сервистік үлгісін» қалыптастыру қажетін атап өтті. Осы тұрғыдан салық органдары салық төлеушілерді бақылап қана қоймай, оларға кеңес беру, оқыту, халықтың осал топтарына көмектесу сынды сүйемелдеу қызметтерін көрсетуі тиіс. Бұл сервистік шаралар салықтық әкімшілендірудің негізгі құралдарына теңестірілген жаңа Салық кодексінде де бекітіледі.

Президент «Салықтан түскен әр теңге халықтың игілігіне жұмсалуға тиіс. Бұл – азаматтарға сапалы мемлекеттік қызмет көрсетіліп, инфрақұрылым салынып, мемлекеттік қолдау шаралары ұсынылуы қажет деген сөз», - деп нақты атап өтті. Бұл тәсіл әділеттілік қағидатын көрсетеді –мемлекет салықтарды жинап қана қоймай, оларды тиімді пайдалануды да көрсетуі міндетті. Бұл салық жүйесіне деген сенім қалыптастырады және ерікті түрде салық төлеуді ынталандырады.

Ол әрбір теңге елдің дамуына жұмыс істейтін, ал мемлекет адал төлеушілердің сенімді серіктесі болып табылатын заманауи салық мәдениетін бекітуге арналған. Бұл біртіндеп, бірақ тұрақты ауысуға апаратын жол: шартты рәсімдерден – сенімге, бақылаудан – серіктестікке, әдеттегі нормалардан – әділеттілік пен дамуға.