Алматы қаласы бюджетінің шығындары (бағыттар бойынша шығыстар) кейінгі 2 жылда 44,4%-ке – 2022 жылғы 1,1 трлн теңгеден 2024 жылы 1,6 трлн теңгеге дейін ұлғайды.
Алматы
қаласы бюджеті шығындарының құрылымы
негізінен қалыпты. 2022-2024 жылдар ішінде
білім беру шығындары (барлық шығындардың
орта есеппен 29,8%), трансферттер (орта
есеппен 17,2%), тұрғын үй-коммуналдық
шаруашылық (орта есеппен 16,2%), көлік және
коммуникация (орта есеппен 12,6%) салалары
қаржыландыруды талап ететін басым
бағыттар болды. Басқа бағыттарға барлық
шығындардың оннан бір бөлігі тиесілі.
Мәселен,
2022-2024 жылдары білім беруге жұмсалатын
шығындар 44,1%-ке (326,4 млрд теңгеден 470,4
млрд теңгеге дейін) ұлғайды, трансферттер
4,0%-ке (239,7 млрд теңгеден 230,1 млрд теңгеге
дейін) азайды, тұрғын үй-коммуналдық
шаруашылыққа жұмсалатын шығындар
айтарлықтай ұлғайды, олардың өсуі
97,8%-ке (141,6 млрд теңгеден 280,0 млрд теңгеге
дейін) жетті, көлік және коммуникациялар
шығындары барлық бағыттар бойынша ең
жоғары өсімді көрсетті – 2,6 есе (97,7 млрд
теңгеден 255,8 млрд теңгеге дейін).
Көлік
пен коммуникацияға, сондай-ақ тұрғын
үй-коммуналдық шаруашылыққа жұмсалатын
шығындардан басқа, жалпы сипаттағы
мемлекеттік қызметтер саласында
айтарлықтай өсім байқалады. Олар 2 есе
– 2022 жылғы 13,2 млрд теңгеден (барлық
шығындардың 1,2%) 2024 жылы 26,6 млрд теңгеге
(барлық шығындардың 1,7%) дейін өсті.
Көлік
және коммуникациялар, тұрғын үй-коммуналдық
шаруашылық, сондай-ақ жалпы сипаттағы
мемлекеттік қызметтер шығыстарының
айтарлықтай өсуі Алматы қаласының
инфрақұрылымын, ТКШ және әкімшілік
функцияларын дамытудың маңызы артқанын
көрсетеді.
