Қостанай облысы бюджетінің шығындары (бағыттар бойынша шығыстар) 2022-2024 жылдары 421,2 млрд теңгеден 628,7 млрд теңгеге дейін 49,3%-ке өсті.
Барлық
шығындар құрылымында үштен бір бөлігі
білім беру шығындарына тиесілі –
2022-2024 жылдары орта есеппен 36,0%. Олар 2022
жылғы 153,2 млрд теңгеден 2024 жылы 223,0 млрд
теңгеге дейін 45,6%-ке өсті. Білім беруді
қаржыландырудың басымдығы осы саладағы
көрсеткіштердің жақсаруына әсер етті.
2 жастан 6 жасқа дейінгі балаларды
мектепке дейінгі біліммен қамту
көрсеткіші 2024 жылдың қорытындысы бойынша
92%-ке жетті.
Тұрғын
үй-коммуналдық шаруашылық шығындары
2022-2024 жылғы барлық шығындардың орта
есеппен 12,9%-не ие. Қарастырылып отырған
кезеңде олар 2022 жылғы 46,6 млрд теңгеден
2024 жылы 91,8 млрд теңгеге дейін 2 есе
ұлғайды.
Қостанай
облысы бюджетінің барлық шығындарының
орта есеппен 10,6%-ін қамтитын ауыл, су,
орман, балық шаруашылығына, ерекше
қорғалатын табиғи аумақтарға, қоршаған
ортаны және жануарлар дүниесін қорғауға,
жер қатынастарына жұмсалатын шығындар
кейінгі 2 жылда айтарлықтай өзгерген
жоқ: 2022 жылы 51,8 млрд теңгеден 2024 жылы
55,1 млрд теңгеге дейін 6,3%-ке өсті.
Қалған
шығындар бағыттарының әрқайсысы Қостанай
облысы бюджетінің барлық шығындарының
10%-нен аз көлеміне ие.
Сонымен
қатар, 2022-2024 жылдары қорғаныс шығындары
ең үлкен өсімді көрсетті. Олар 2022 жылғы
872,7 млн теңгеден (барлық шығындардың
0,2%) 2024 жылы 2,5 млрд теңгеге (барлық
шығындардың 0,4%) дейін 2,9 есе өсті. Бұл
осы саланы қаржыландыру басымдығының
өсуін көрсетеді.
