Қызылорда облысы бюджетінің шығындары (бағыттар бойынша шығыстар) 2022-2024 жылдары 415,5 млрд теңгеден 707,6 млрд теңгеге дейін 70,3%-ке ұлғайды.
Қызылорда
облысының бюджеті білім беру саласына
жоғары шоғырланған құрылыммен сипатталады.
2022-2024 жылдары білім беру шығындарына
барлық шығындардың орта есеппен 47,8%-і
тиесілі. Осы кезеңде олар 2022 жылғы 216,9
млрд теңгеден 2024 жылы 306,3 млрд теңгеге
дейін 41,2%-ке өсті. Осы саланы басым
қаржыландыру білім беру көрсеткіштерінің
жақсаруына ықпал етті. 2024 жылдың
қорытындысы бойынша 2 жастан 6 жасқа
дейінгі балаларды мектепке дейінгі
тәрбиемен және біліммен қамту 92,6%-ке, 3
жастан 6 жасқа дейінгі балаларды қамту
100%-ке жетті.
Тұрғын
үй-коммуналдық шаруашылық шығындары
барлық шығындардың орташа үлесіне ие
– 2022-2024 жылдары орта есеппен 11,9%.
Қарастырылып отырған кезеңде олар 2022
жылғы 32,6 млрд теңгеден 2024 жылы 105,9 млрд
теңгеге дейін 3,3 есе өсім көрсетті.
Шығындар
бағыттарының қалған түрлері Қызылорда
облысының барлық шығындарының орта
есеппен 7%-нен аспайды.
2022
жылдан 2024 жылға дейінгі кезеңдегі
шығындар қарқынына жасалған талдау
келесі бағыттар бойынша шығындардың
едәуір өсуін көрсетеді:
өнеркәсіп,
сәулет, қала құрылысы және құрылыс
қызметі - 6,2 есе: 2022 жылғы 1,1 млрд теңгеден
(барлық шығындардың 0,3%) 2024 жылы 6,7 млрд
теңгеге дейін (барлық шығындардың
0,9%);
отын-энергетикалық
кешен және жер қойнауын пайдалану-4,8
есе: 2022 жылы 7,4 млрд теңгеден (барлық
шығындардың 1,8%) 2024 жылы 35,8 млрд теңгеге
дейін (барлық шығындардың 5,1%).
Шығындардың
мұндай даму қарқыны Қызылорда облысында
инфрақұрылым мен энергетиканың дамуына
назар аударылғанын көрсетеді.
